- రూ.7.73 లక్షల ప్రారంభ ధరతో లభ్యం
- మే నెల నుంచి డెలివరీ ప్రారంభం
ఈ నెల ప్రారంభంలో, టయోటా కిర్లోస్కర్ మోటార్ ఇండియాలో మారుతి ఫ్రాంక్స్ రీబ్యాడ్జ్డ్ వెర్షన్, అర్బన్ క్రూయిజర్ టైజర్ను లాంచ్ చేసింది. ఈ క్రాస్ఓవర్ మొత్తం ఐదు వేరియంట్లలో రూ. 7.73 లక్షలు (ఎక్స్-షోరూమ్) ప్రారంభ ధరతో అందుబాటులో ఉంది. టైజర్ మోడల్ డెలివరీ వచ్చే నెలలో ప్రారంభంకానుండగా, దాని కంటే ముందుగానే, టైజర్దేశవ్యాప్తంగా డీలర్షిప్స్ వద్దకు చేరుకోవడం ప్రారంభమైంది.
టయోటా టైసర్ను E, S, S+, G మరియు V అనే ఐదు వేరియంట్లలో పొందవచ్చు. కస్టమర్లు ఈ కారును లూసెంట్ ఆరెంజ్, స్పోర్టిన్ రెడ్, ఎంటైసింగ్ సిల్వర్, గేమింగ్ గ్రే, కేఫ్ వైట్, మిడ్నైట్ బ్లాక్తో స్పోర్టిన్ రెడ్, మిడ్నైట్ బ్లాక్తో కేఫ్ వైట్, మరియు మిడ్నైట్ బ్లాక్తో ఎంటైసింగ్ సిల్వర్ అనే ఎనిమిది ఎక్స్టీరియర్ కలర్ ఆప్షన్లలో సెలెక్ట్ చేసుకోవచ్చు.
ఇప్పుడు, ఫ్రాంక్స్ కి సమానమైన వేరియంట్లను టయోటా టైజర్ లో రూ. 25,000 ప్రీమియంతో సెలెక్ట్ చేసుకోవచ్చు. ఫీచర్ల విషయానికొస్తే, టైజర్ టాప్-స్పెక్ V వేరియంట్ 9-ఇంచ్ టచ్స్క్రీన్ ఇన్ఫోటైన్మెంట్ సిస్టమ్, వైర్లెస్ స్మార్ట్ఫోన్ కనెక్టివిటీ, ఆటోమేటిక్ క్లైమేట్ కంట్రోల్, హెడ్స్-అప్ డిస్ప్లే, ఆటో-డిమ్మింగ్ ఐఆర్విఎం, స్టీరింగ్ మౌంటెడ్ కంట్రోల్స్, 360-డిగ్రీలతో సరౌండ్ కెమెరా, మరియు వైర్లెస్ ఛార్జర్ వంటి బెస్ట్ ఫీచర్లతో వచ్చింది.
సేఫ్టీ ఫీచర్ల విషయానికొస్తే, టైజర్లో 6 ఎయిర్బ్యాగ్స్, ఈబీడీతో కూడిన ఏబీఎస్, హిల్ హోల్డ్ అసిస్ట్, రియర్ డీఫాగర్, సెన్సార్లతో కూడిన పార్కింగ్ కెమెరా, ఐసోఫిక్స్మౌంట్స్ మరియు వెహికల్ స్టెబిలిటీ కంట్రోల్ ఉన్నాయి. అదే విధంగా, టైజర్ ని ఇప్పటివరకుఎటువంటి క్రాష్ టెస్ట్ సేఫ్టీ రేటింగ్స్ కోసం ఇంకా టెస్ట్ చేయలేదు.
మెకానికల్ గా, టయోటా టైసర్ దాని బ్యాడ్జ్ మోడల్ ని పోలి ఉండే మారుతి ఫ్రాంక్స్ నుండి పవర్ట్రెయిన్ ఆప్షన్లతో వచ్చింది. ఈ క్రాస్ఓవర్ లో 1.2-లీటర్ ఎన్ఎపెట్రోల్ మరియు 1.0-లీటర్ టర్బో-పెట్రోల్ ఇంజిన్లు ఉన్నాయి. ట్రాన్స్మిషన్ ఆప్షన్లలో 5-స్పీడ్ మాన్యువల్, 5-స్పీడ్ ఎఎంటిమరియు 6-స్పీడ్ టార్క్ కన్వర్టర్ గేర్బాక్స్ ఉన్నాయి.
అనువాదించిన వారు: సంజయ్ కుమార్