- ఎఎంజి S 63 ప్లగ్-ఇన్ హైబ్రిడ్ తో అందించబడుతున్న కొత్త మోడల్
- ఈ ఎడిషన్లో ఒకే పవర్ ట్రెయిన్ తో అందించబడిన లగ్జరీ కారు
ఇండియాలో కొత్త ఎఎంజి S 63 E పెర్ఫార్మెన్స్ అనే లగ్జరీ కారును రూ. 3.3 కోట్ల నుంచి ప్రారంభమయ్యే ఎక్స్-షోరూం ధరలతో మెర్సిడెస్-బెంజ్ లాంచ్ చేసింది. కార్ మేకర్ నుంచి ఎఎంజి GT 63 E పెర్ఫార్మెన్స్ తర్వాత ఇది రెండవ ప్లగ్-ఇన్ హైబ్రిడ్ మోడల్ గా అందించబడుతుండగా, ఎస్-క్లాస్ నుంచి వచ్చిన మోస్ట్ పవర్ ఫుల్ మోడల్ గా నిలిచింది.
మెర్సిడెస్-ఎఎంజి S 63 E పెర్ఫార్మెన్స్: ఎక్స్‌టీరియర్
ఈ ఎఎంజి ఎస్-క్లాస్ వెర్షన్ స్పోర్టీ లుక్స్ తో ఎఎంజి పనామెరికానా గ్రిల్, స్పోర్టియర్ బంపర్స్, పెద్ద వీల్స్, మరియు కారు వెనుక భాగంలో క్వాడ్-టిప్ ఎగ్జాస్ట్ వంటి వాటితో బెస్ట్ లుక్ ని పొందింది. అంతే కాకుండా అగ్రెసివ్ స్టైలింగ్ ప్యాకేజీ, ఎడిషన్-1 మోడల్ ఎఎంజి నైట్ ప్యాకేజీ లేదా బ్లాక్డ్-అవుట్ ఎక్స్‌టీరియర్ త్రిమ వంటి స్టైలింగ్ బిట్స్ ని పొందింది. ఇంకా, ఇందులో మ్యాట్-బ్లాక్ అల్లాయ్ వీల్స్ ఉండగా, రెడ్ బ్రేక్ కాలిపర్స్, మరియు ఎడిషన్-1 బ్రాండెడ్ కార్ కవర్ వంటివి ఉన్నాయి.
మెర్సిడెస్-ఎఎంజి S 63 E పెర్ఫార్మెన్స్: ఇంటీరియర్
ఈ మోడల్ ఇంటీరియర్ మెర్సిడెస్ ఎస్-క్లాస్ లాగా కనిపిస్తుంది, కానీ ఇది స్పోర్టీ ఎక్స్‌టీరియర్ బిట్స్ తో స్పోర్టియర్ అప్హోల్స్టరీ కలర్స్ మరియు వేరియంట్లను పొందింది. ఇంకా అప్ డేటెడ్ డిజైన్లో ఎఎంజి స్టీరింగ్ వీల్, ఎఎంజి ఎక్స్‌క్లూజివ్‌ నప్పా లెదర్, ఎఎంజి ఇల్యూమినేటెడ్ ట్రెడ్ ప్లేట్స్, మరియు కార్బన్-ఫైబర్ ట్రిమ్ వంటివి ఉన్నాయి. అలాగే ఇందులో ఇన్ఫోటైన్మెంట్ టచ్ స్క్రీన్ లో ఎఎంజి-స్పెసిఫిక్ సాఫ్ట్ వేర్ కూడా ఉంది. సెంటర్ కన్సోల్ పై ఎడిషన్-1 మోడల్స్ స్పెసిఫిక్ బ్రాండింగ్ ని కూడా పొందాయి.
మెర్సిడెస్-ఎఎంజి S 63 E పెర్ఫార్మెన్స్: పవర్ ట్రెయిన్
మెర్సిడెస్ ఫ్లాగ్ షిప్ సెడాన్, ఎఎంజిS 63 E పెర్ఫార్మెన్స్ కారు యొక్క 4.0-లీటర్ ట్విన్-టర్బో V8 ఇంజిన్ 13.1kWh లిథియం-అయాన్ బ్యాటరీతో జతచేయబడింది. ఇంకో విషయం ఏంటి అంటే, ఇది అన్ని కార్ల కంటే ఎక్కువగా 791bhp పవర్ మరియు 1,430Nm పీక్ టార్కును ఉత్పత్తి చేస్తుంది. S 63 టాప్ హైలైట్లలో ఒకటి ఏంటి అంటే, ఎఎంజి రైడ్ కంట్రోల్+ గా పిలువబడుతున్న సెల్ఫ్-లెవెలింగ్ యాక్టివ్ ఎయిర్ సస్పెన్షన్ కూడా ఇందులో ఉంది. ఇంకా చెప్పాలంటే, ఈ కారులో ఎలక్ట్రిక్ మోడ్ రేంజ్ ద్వారా 33 కిలోమీటర్ల దూరం ప్రయాణించవచ్చు. అలాగే ఇది ఎఎంజి-ఫేం డ్రైవింగ్ ఎక్స్‌పీరియన్స్ తో లగ్జరీ మరియు సౌకర్యవంతమైన, ఉన్నతస్థాయి ఫీల్ ని అందిస్తుంది.
అనువాదించిన వారు: సంజయ్ కుమార్
