- దేశీయ మార్కెట్లో సంవత్సరంలోనే 9% వృద్ధి నమోదు
- మొత్తం అమ్మకాల్లో 65% ఎస్‍యువిల ద్వారానే
హ్యుందాయ్ మోటార్ ఇండియా లిమిటెడ్ సంవత్సరంలో సెప్టెంబర్ నెల విక్రయాలకు సంబంధించిన లిస్టును విడుదల చేసింది. ఈ ఆటోమేకర్ సెప్టెంబర్ 2023లో రిటైల్ మార్కెట్లో మొత్తంగా చూస్తే 71,674 యూనిట్లను విక్రయించింది, ఇందులో ఉన్న 54,241 యూనిట్లు దేశీయ మార్కెట్లో విక్రయించగా, 17,400 యూనిట్లను విదేశీ మార్కెట్ కు ఎగుమతి చేసింది.
గత సంవత్సరంతో పోల్చి చూస్తే, ఇదే కాలంలో బ్రాండ్ పూర్తి అమ్మకాల గణాంకాలు 63,201 యూనిట్లుగా ఉన్నాయి. ఇందులో 49,700 యూనిట్ల దేశీయ అమ్మకాలు మరియు 13,501 యూనిట్లు ఎగుమతి చేసింది. అదే విధంగా 13.35 శాతం వృద్ధిని కూడా నమోదు చేసింది.
సెప్టెంబర్ సేల్స్ గురించి హ్యుందాయ్ మోటార్ ఇండియా లిమిటెడ్ సీఓఓ తరుణ్ గార్గ్ మాట్లాడుతూ “ సెప్టెంబర్ 2023, బ్రాండ్ హిస్టరీలో కీలక మైలురాయిని అందుకోవడమే కాక, హెచ్ఎంఐఎల్ అధిక మొత్తంలో నెలవారీ విక్రయాలను సాధించింది. అదే విధంగా కొనసాగుతున్న పండుగ సీజన్ ఫలితంగా మా అమ్మకాలు జోరుగా ఊపందుకుని సెప్టెంబరు 2023లో దేశీయ విక్రయాలలో 9% కంటే ఎక్కువ వృద్ధిని సాధించాము. మా స్ట్రాంగ్ ఎస్‍యువి పోర్ట్‌ఫోలియోలో కొత్తగా చేరిన హ్యుందాయ్ ఎక్స్‌టర్‌కు కస్టమర్స్ నుంచి లభించిన అసాధారణమైన స్పందన మరింత ప్రోత్సాహాన్ని ఇచ్చింది. ఇప్పుడు దేశీయ విక్రయాలలో 65% పైగా ఎస్‍యువిలు దోహదపడుతున్నాయి. హ్యుందాయ్ బ్రాండ్‌పై ఇండియన్ కస్టమర్లకు ఉన్న ప్రేమ, నమ్మకం, విశ్వాసం మరియు సేఫ్టీ & ఫీచర్ ఇంటిగ్రేషన్ పరంగా మా ఉత్పత్తులు సెట్ చేసిన బెంచ్‌మార్క్‌ వీటన్నింటికీ ప్రతిబింబంగా మారింది.” అని పేర్కొన్నారు.
అనువాదించిన వారు: సంజయ్ కుమార్
