- இன்விக்டோவின் விலைகள் இந்தியாவில் ஜூலை 5 ஆம் தேதி வெளியிடப்படும்
- இது பெட்ரோல்-ஹைப்ரிட் இன்ஜினை பெறும்
மாருதி சுஸுகி அதன் வரவிருக்கும் ஹைகிராஸ் அடிப்படையிலான எம்பீவி இன்விக்டோவின் முன்பதிவுகளை அடுத்த மாதம் அதன் விலை அறிவிப்புக்கு முன்னதாக அதிகாரப்பூர்வமாகத் தொடங்கியுள்ளது. வாடிக்கையாளர்கள் நெக்ஸா டீலர்ஷிப்ஸ் வழியாக இன்விக்டோவை ரூ. 25,000 குடுத்து புக் செய்யலாம். தற்போது, கார் தயாரிப்பாளர் நெக்ஸா ப்ளூ (செலஸ்டியல்) வண்ண விருப்பத்தின் முன்பதிவுகளை ஏற்றுக்கொள்கிறார்.
மாருதி சுஸுகி இன்விக்டோ வேரியண்ட்ஸ் மற்றும் இன்ஜின்
இன்விக்டோ ஆனது ஆல்ஃபா ப்ளஸ் எனப்படும் ஒற்றை டாப்-ஸ்பெக் ட்ரிமில் வழங்கப்படும். இந்த எம்பீவி ஆனது இ-சிவிடீ யூனிட்டுடன் இணைக்கப்பட்டு 2.0 லிட்டர் பெட்ரோல்-ஹைப்ரிட் இன்ஜின் மூலம் இயக்கப்படும். இந்த பெட்ரோல் இன்ஜின் 172hp மற்றும் 188Nm டோர்க்கை உற்பத்தி செய்யும் வகையில் டியூன் செய்யப்பட்டுள்ளது, அதே நேரத்தில் ஹைப்ரிட் மோட்டார் 11bhp மற்றும் 206Nm பீக் டோர்க்கை உருவாக்கும்.
இன்விக்டோ எம்பீவியின் எதிர்பார்க்கப்படும் ஃபீச்சர்ஸ்
ஆல்ஃபா ப்ளஸ் வேரியண்ட்டொயோட்டா இனோவா ஹைகிராஸின் ZX (O) ஹைப்ரிட் வேரியண்ட்டை அடிப்படையாகக் கொண்டது. அதன் அம்சங்களைப் பொறுத்தவரை, இந்த மாடலில் 10.1-இன்ச் டச்ஸ்கிரீன் இன்ஃபோடெயின்மென்ட் சிஸ்டம், 9-ஸ்பீக்கர் ஜேபிஎல் மியூசிக் சிஸ்டம், மல்டி-ஜோண் க்ளைமேட் கண்ட்ரோல், க்ரூஸ் கண்ட்ரோல் மற்றும் வயர்லெஸ் சார்ஜர் ஆகியவை இருக்கும். இது வென்டிலேடெட் ஃப்ரண்ட் சீட்ஸ், பனோரமிக் சன்ரூஃப், எலக்ட்ரானிக் பார்க்கிங் ப்ரேக், ஒட்டோமான் ஃபங்ஷன் கொண்ட இரண்டாவது வரிசை கேப்டன் சீட்ஸ் மற்றும் ஏடாஸ் டெக்னாலஜியையும் பெறலாம்.
மாருதி இன்விக்டோ லான்ச் மற்றும் போட்டியாளர்கள்
இந்திய வாகன உற்பத்தியாளர் இன்விக்டோ எம்பீவியின் விலையை ஜூலை 5 ஆம் தேதி வெளியிடும். மாருதி எம்பீவி, டொயோட்டா ஹைகிராஸின் சமமான வேரியண்ட்டை விட ப்ரீமியமாக இருக்கும் என்று எதிர்பார்க்கிறோம். இது மார்க்கெட்டில் வந்தவுடன், டொயோட்டா இனோவா ஹைகிராஸ், கியா கார்னிவல், மஹிந்திரா XUV700, டாடா சஃபாரி, கியா கேரன்ஸ் மற்றும் எம்ஜி ஹெக்டர் ப்ளஸ் ஆகியவற்றுடன் போட்டியிடும்.
மொழிபெயர்த்தவர்: ஐசக் தீபன்
