- నిలిపివేయబడ్డ సిఎన్జి బుకింగ్స్
- ఇండియాలో రూ. 10.44 లక్షలు (ఎక్స్-షోరూం) నుండి ధరలు ప్రారంభం
టయోటా కంపెనీ మారుతి ఎర్టిగా రీబ్యాడ్జ్ వెర్షన్ గా పిలువబడుతున్న రూమియన్ ని ఆగస్టు-2023లో ఇండియాలో లాంచ్ చేసింది. అప్పటి నుండి, ఈ మోడల్ దేశావ్యాప్తంగా ఎంపివి కొనుగోలుదారుల మధ్య మోస్ట్ పాపులర్ మోడల్ గా నిలిచింది, దీంతో ఈ కారుపై కొంత వరకు వెయిటింగ్ పీరియడ్ ఉండడం నెలకొంది.
రూమియన్ కారును టయోటా S, G, మరియు V అనే మూడు వేరియంట్లలో మరియు పెట్రోల్ మరియు సిఎన్జి పవర్ ట్రెయిన్ ఆప్షన్లలో అందించబడింది. ప్రస్తుతం, ఎవరైతే కస్టమర్లు రూమియన్ యొక్క గ్యాసోలిన్ వేరియంట్లలో ఒకదానిని పొందాలనుకుంటే బుకింగ్ చేసిన తేదీ నుండి 7-8 నెలల వరకు వేచి ఉండాల్సి ఉంటుంది. మరోవైపు, సిఎన్జి వేరియంట్లను కొనుగోలు చేయాలనుకున్న కస్టమర్లు వారి నిర్ణయాన్ని వెనక్కి తీసుకోవాల్సి ఉంటుంది. ఎందుకంటే, టయోటా కంపెనీ సిఎన్జి బుకింగ్స్ ని ప్రస్తుతం నిలిపివేసింది.
బానెట్ కింద, రూమియన్ కారు ఏకైక 1.5-లీటర్ పెట్రోల్ ఇంజిన్ తో అందించబడింది. ఈ మోటార్ పెట్రోల్ మోడ్ లో 103bhp/136Nm టార్కును మరియు సిఎన్జి మోడ్ లో 87bhp/121Nm టార్కును ఉత్పత్తి చేస్తుంది. 5-స్పీడ్ మాన్యువల్ స్టాండర్డ్ గా రాగా, మొదటి దానిని 6-స్పీడ్ టార్క్ కన్వర్టర్ యూనిట్ ఆప్షన్ తో కూడా పొందవచ్చు.
రూమియన్ ఎంపివి రేంజ్ ధరలు రూ.10.44 లక్షలు నుండి రూ.13.73 లక్షలు (అన్ని ధరలు, ఎక్స్-షోరూం) మధ్య ఉన్నాయి. అలాగే ఈ మోడల్ మారుతి సుజుకి ఎర్టిగా మరియు కియా కారెన్స్ వంటి మోడల్స్ తో పోటీ పడుతుంది.
అనువాదించిన వారు : సంజయ్ కుమార్