- జిఎన్ క్యాప్ టెస్టులో 5-స్టార్ రేటింగ్ సాధించిన టాటా హారియర్ మరియు సఫారీ
- బిఎన్ క్యాప్ టెస్టు ద్వారా టెస్టింగ్ చేయబడ్డ మొదటి ఎస్యూవీలు ఇవే
సేఫ్టీ స్టాండర్డ్స్ పరంగా టాటా మోటార్స్ మరొక మైల్స్టోన్ని సాధించింది. తాజాగా లాంచ్ అయిన టాటా హారియర్ మరియు సఫారీ ఎస్యూవీ ఫేస్లిఫ్ట్స్ డ్యూయో ఇండియా-స్పెసిఫిక్ బిఎన్ క్యాప్ టెస్టులలో పూర్తి 5-స్టార్ సాధించాయి.
గతంలో, ఈ రెండు మోడల్స్ జిఎన్ క్యాప్ సేఫ్టీ టెస్టుల ద్వారా అత్యధిక రేటింగ్ సాధించిన ఎస్యూవీలుగా నిలిచాయి. ఇప్పుడు, ఇండియాకు చెందిన కొత్త మరియు ఇండిపెండెంట్ సేఫ్టీ పెర్ఫార్మెన్స్ ఎవాల్యుయేషన్ ప్రోటోకాల్ ప్రకారం, ఫ్లాగ్షిప్ టాటా ఎస్యూవీలకు 5-స్టార్ రేటింగ్స్ లభించాయి, దీంతో ప్రస్తుతం బిఎన్ క్యాప్ అథారిటీ ద్వారా టెస్ట్ చేయబడ్డ మొదటి వాహనాలుగా టాటా హారియర్ మరియు సఫారీ నిలిచాయి.
అప్డేటెడ్ హారియర్ మరియు సఫారీ ఫేస్లిఫ్ట్స్ ల్యాండ్ రోవర్ యొక్క D8 ప్లాట్ఫారమ్ నుండి తీసుకోబడి ఓఎంఈజిఎఆర్ సి ఆర్కిటెక్చర్ ఆధారంగా రూపొందించబడ్డాయి. ఇక రెండింటిలో ఉన్న సేఫ్టీ సూట్స్ విషయానికొస్తే, ఈ ఎస్యూవీలు7 ఎయిర్బ్యాగ్స్, ఈఎస్సి, ఎబిఎస్తో కూడిన ఈబీడీ, విఎస్ఎం, హెచ్ఎసి, హెచ్ఎస్సి, హిల్ హోల్డ్ కంట్రోల్, 3-పాయింట్ సీట్బెల్ట్స్, ఐసోఫిక్స్ మౌంట్స్, సీట్బెల్ట్ రిట్రాక్టర్ మరియు ప్రిటెన్షనర్స్, 360-డిగ్రీ సరౌండ్ కెమెరా, బ్లైండ్-స్పాట్ మానిటర్, మరియు లెవెల్-2 ఏడీఏఎస్(అడాస్) టెక్ వంటి ఫీచర్స్ తో లోడ్ చేయబడ్డాయి.
ఈ అచీవ్మెంట్పై టాటా మోటార్స్ ప్యాసింజర్ వెహికల్స్ లిమిటెడ్ మరియు టాటా ప్యాసింజర్ ఎలక్ట్రిక్ మొబిలిటీ లిమిటెడ్ ఎండిశైలేష్ చంద్ర మాట్లాడుతూ, 'భారత్-ఎన్ క్యాప్ సేఫ్టీ పరంగాఒక ముఖ్యమైన ముందడుగు, ఇది కస్టమర్లకు విశ్వసనీయమైన, ఆబ్జెక్టివ్ స్కోర్ను అందించడం ద్వారా వివిధ వాహనాలకు సంబంధించి సేఫ్టీ అంశాలను అంచనా వేయడానికి వీలు కల్పిస్తుంది. సేఫ్టీ ఫీచర్స్ పై పూర్తి సమాచారం ఉన్న కస్టమర్లు సరైన నిర్ణయాలు తీసుకోవడం ద్వారా దేశంలో సురక్షితమైన వాహనాలకు ప్రాధాన్యత పెరుగుతోంది. ఈ ప్రయత్నంలో పాలు పంచుకుని దీని కోసం కృషి చేసిన ప్రభుత్వం, రెగ్యులేటరీ బాడీలు మరియు ఆటోమోటివ్ ఇండస్ట్రీ ప్రయత్నాలను మేము ఎంతగానో అభినందిస్తున్నాము. సేఫ్టీ పరంగా టాటా మోటార్స్ బెస్ట్ గా నిలుస్తుంది మా డిఎన్ఎ యొక్క ప్రధాన అంశం కూడా ఇదే మరియు మా టాటా హారియర్ మరియు సఫారీ వాహనాలు 5-స్టార్ రేటింగ్తో తొలి భారత్-ఎన్ క్యాప్ సర్టిఫికేషన్ను గెలుచుకోవడం మాకు గౌరవంగా ఉంది. మేము దీనికి కట్టుబడి మరియు వాహన భద్రతను సమగ్రంగా మెరుగుపరచడానికి మా కృషిని కొనసాగిస్తాము.” అని పేర్కొన్నారు.
అనువాదించిన వారు: సంజయ్ కుమార్