- 2.0-లీటర్, 4-సిలిండర్ టర్బో పెట్రోల్ ఇంజిన్ తో వచ్చిన స్పోర్ట్ ప్రో ఎడిషన్
- వైట్, గ్రే, బ్లాక్ మరియు బ్లూ అనే 4 మెటాలిక్ కలర్లలో లభ్యం
బిఎండబ్లూ ఇండియా 3 సిరీస్ గ్రాన్ లిమోసిన్ లో ఎం స్పోర్ట్ ప్రో ఎడిషన్ అనే కొత్త వేరియంట్ ని లాంచ్ చేసింది. ఈ లగ్జరీ సెడాన్ లోకల్ గా చెన్నైలోని బిఎండబ్లూ ప్లాంట్ లో ఉత్పత్తి చేయబడింది. దీని ధరతో పాటుగా పేరు కూడా చాలా పెద్దగా ఉంది. దీని లాంచ్ ధర రూ.62.6 లక్షలు (ఎక్స్-షోరూం) ఉండగా, ఈ కారు 330Li పెట్రోల్ వేరియంట్ లో అందుబాటులో ఉంది.
3 సిరీస్ గ్రాన్ లిమోసిన్ ఎం స్పోర్ట్ ప్రో ఎడిషన్ వైట్, గ్రే, బ్లాక్ మరియు బ్లూ అనే 4 మెటాలిక్ కలర్లలో అందుబాటులోకి వచ్చింది. ఈ లగ్జరీ కారు లోపల చూస్తే, ఎం స్పోర్ట్ ప్రో ఎడిషన్లో ఎం హెడ్ లైనర్ అంత్రసైట్ అప్హోల్స్టరీ స్టాండర్డ్ గా అందించబడింది. ఈ కారు లుక్ ఆకర్షణీయంగా కనిపించడానికి బ్లాక్డ్-అవుట్ కిడ్నీ గ్రిల్, హెడ్ ల్యాంప్స్ చుట్టూ డార్క్ కలర్, మరియు గ్లోసీ బ్లాక్ కలర్లో రియర్ డిఫ్యూజర్ వంటి వాటిని పొందింది.
లోపల చూస్తే, ఇంటీరియర్ పరంగా ఈ మోడల్ ఇల్యూమినేటెడ్ డోర్ సిల్ ప్లేట్స్, ఎం హెడ్ లైనర్ అంత్రసైట్ అప్హోల్స్టరీ, మరియు ఫ్రంట్ సీట్ల వెనుక ఇల్యూమినేటెడ్ కాంటూర్ స్ట్రిప్స్ రూపంలో అదనపు యాంబియంట్ లైటింగ్ వంటి ఫీచర్లను పొందింది. ఇందులో 2.0-లీటర్, 4-సిలిండర్ టర్బో పెట్రోల్ ఇంజిన్ 1,550 మరియు 4,400rpm మధ్య 258bhp మరియు 400Nm టార్కును ఉత్పత్తి చేస్తుంది. ఈ కారు కేవలం 6.2 సెకన్లలో 0 నుంచి 100కెఎంపిహెచ్ వేగాన్ని చాలా ఈజీగా అందుకుంటుంది.
పైన పేర్కొన్న కాస్మోటిక్ అప్ డేట్స్ తో పాటుగా, ఎం స్పోర్ట్ ప్రో ఎడిషన్ రెగ్యులర్ 3 సిరీస్ గ్రాన్ లిమోసిన్ లాగానే కనిపిస్తున్నా, స్టాండర్డ్ 3 సిరీస్ లాగా లాంగ్ వీల్ బేస్ ని కలిగి ఉంది. గ్రాన్ లిమోసిన్ జనవరి-2021లో లాంచ్ కాగా, సరిగ్గా సంవత్సరం తర్వాత మొదటి అప్ డేట్ ని అందుకుంది. ఆ సమయంలో, మెరుగైన క్యాబిన్ తో పాటుగా కొత్త ఫ్రంట్ ఎండ్ లో మార్పులతో వచ్చింది.
అనువాదించిన వారు: సంజయ్ కుమార్