డిసెంబర్ 14న ఇండియాలో కొత్త సోనెట్ ఫేస్‍లిఫ్ట్ ను ఆవిష్కరించనున్న కియా

• ఏడీఏఎస్ ఫీచర్స్ తో వచ్చే అవకాశం
• వచ్చే సంవత్సరం ప్రారంభంలో ధరల ప్రకటింపు

డిసెంబర్ 14న ఇండియాలో ఇండియా-స్పెక్ సోనెట్ ఫేస్‍లిఫ్ట్ ను అరంగేట్రం చేస్తున్నట్లు సౌత్ కొరియన్ కార్ల కంపెనీ కియా అధికారికంగా నిర్ధారించింది. సోనెట్ ఫేస్‍లిఫ్ట్ మోడల్ డిసెంబర్-2023లో వస్తున్నట్లు ఇదే సంవత్సరం ఏప్రిల్ లో కార్‌వాలే వెబ్ సైట్ దాని టైంలైన్ ను స్పష్టంగా పేర్కొన్నది.

ఈ సంవత్సరం అక్టోబరులో, సోనెట్ ఫేస్‍లిఫ్ట్ కు సంబంధించిన కొన్ని ఫోటోలు లీక్ అవడంతో అవి కాస్త ఇంటర్నెట్ లో వైరల్ గా మారాయి. ఇక్కడ ఫోటోలలో చూసిన విధంగా ఈ ఇండియా-స్పెక్ మోడల్ ఎక్స్‌టీరియర్ డిజైన్ లో చిన్నపాటి మార్పులతో వచ్చే అవకాశం ఉందని భావిస్తున్నాము. 

ఎక్స్‌టీరియర్ డిజైన్ పరంగా 2024 కియా సోనెట్ లో కొత్త ఫ్రంట్ మరియు రియర్ బంపర్స్, ముందు మరియు వెనుక వైపు ఎల్ఈడీ లైట్ బార్స్, రీవర్క్ చేయబడిన ఎల్ఈడీ హెడ్ ల్యాంప్స్ మరియు టెయిల్ లైట్స్, మరియు కొత్త డ్యూయల్-టోన్ అల్లాయ్ వీల్స్ ఉండనున్నాయి. అలాగే ఇందులో షార్క్-ఫిన్ యాంటెన్నా, రూఫ్ రెయిల్స్, మరియు ఎలక్ట్రిక్ సన్ రూఫ్ ని కూడా కియా కంపెనీ తీసుకురానుంది.

లోపల చూస్తే, కొత్త కియా సోనెట్ ఫేస్‍లిఫ్ట్ కొత్త డ్యూయల్-టోన్ ఇంటీరియర్ థీమ్, ఏసీఫంక్షన్స్ కోసం టచ్-బేస్డ్ కంట్రోల్స్, రెండవ-వరుస సీట్లలో కూర్చునే వారి కోసం బిల్ట్-ఇన్ సన్‌బ్లైండ్స్, సేఫ్టీ పరంగాఏడీఏఎస్సూట్ మరియు ఫుల్లీ డిజిటల్ ఇన్‌స్ట్రుమెంట్ క్లస్టర్ వంటి అద్బుతమైన ఫీచర్స్ ను పొందనుంది. 

హుడ్ కింద, ఇంతకు ముందు సోనెట్ లో ఉన్నట్లుగానే కొత్త సోనెట్ ఫేస్‍లిఫ్ట్ పవర్డ్ 1.2-లీటర్ ఎన్ఎ పెట్రోల్ ఇంజిన్, 1.5-లీటర్ డీజిల్ ఇంజిన్, మరియు 1.0-లీటర్ టర్బో-పెట్రోల్ ఇంజిన్ తో రానుంది. లాంచ్ అయిన తర్వాత, 2024 కియా సోనెట్ మారుతి బ్రెజా, హ్యుందాయ్ వెన్యూ, టాటా నెక్సాన్, రెనాల్ట్ కైగర్ మరియు నిస్సాన్ మాగ్నైట్ వంటి మోడల్స్ తో పోటీ పడనుంది.

అనువాదించిన వారు: సంజయ్ కుమార్