- సింగిల్ వేరియంట్లో అందించబడే అవకాశం
- 5-డోర్ థార్ తో పోటీపడనున్న గూర్ఖా
ఫోర్స్ మోటార్స్ 5-డోర్ ఇటరేషన్ లైఫ్ స్టైల్ ఎస్యూవీ గూర్ఖాను దాదాపుగా నాలుగేళ్ల నుంచి టెస్టింగ్ చేస్తూనే ఉంది. అయితే, మొత్తానికి దీని గురించి మేము తెలుసుకుంది ఏంటి అంటే, ఆటోమేకర్ గూర్ఖా 5-డోర్ వెర్షన్ ని వచ్చే నెలలో ఆవిష్కరించనుంది.
ముందుగా డిజైన్ గురించి చెప్పాలంటే, కొత్త 5-డోర్ గూర్ఖా బ్లాక్డ్-అవుట్ గ్రిల్ తో క్రోమ్ ఫినిషింగ్ లో గూర్ఖా లెటరింగ్, బ్లాక్డ్-అవుట్ ఫ్రంట్ మరియు రియర్ బంపర్స్, ఫాగ్ లైట్స్, మరియు డ్యూయల్-ఫైవ్ స్పోక్ అల్లాయ్ వీల్స్ వంటి ఫీచర్లతో వచ్చే అవకాశం ఉంది. ఇంకా చెప్పాలంటే, ఇది రూఫ్ ర్యాక్, స్నోర్కెల్, చంకీ స్క్వేర్డ్ వీల్ ఆర్చెస్, రియర్ డోర్-మౌంటెడ్ స్పేర్ టైర్ మరియు లాడర్, టౌ హుక్, మరియు స్టాక్డ్ టెయిల్ లైట్స్ పొందనుంది.
ఇక ఇంటీరియర్ ఫీచర్స్ విషయానికి వస్తే, 2024 గూర్ఖా 5-డోర్ టచ్ స్క్రీన్ ఇన్ఫోటైన్మెంట్ సిస్టం, సర్క్యులర్ ఏసీ వెంట్స్, త్రీ-స్పోక్ స్ట్రీరింగ్ వీల్, అనలాగ్ ఇంస్ట్రుమెంట్ కన్సోల్, మరియు లెదరెట్ అప్హోల్స్టరీ వంటి ఫీచర్స్ తో వచ్చే అవకాశం ఉంది.
ఇప్పటి వరకు 3-డోర్ అవతార్ లో వచ్చిన ఫోర్స్ గూర్ఖా 2.2-లీటర్ డీజిల్ ఇంజిన్ 5-స్పీడ్ మాన్యువల్ ట్రాన్స్మిషన్ తో మాత్రమే జతచేయబడి 90bhp పవర్ మరియు 250Nm టార్కును ఉత్పత్తి చేస్తుంది. లాంచ్ కాబోయే 5-డోర్ వెర్షన్ లో కూడా అదే ఇంజిన్ ని కొనసాగించవచ్చు. లాంచ్ అయిన తర్వాత, 5-డోర్ గూర్ఖా కొత్త 5-డోర్ మహీంద్రా థార్ తో పోటీపడనుంది.
అనువాదించిన వారు: సంజయ్ కుమార్