- 2024లో లాంచ్ అయ్యే అవకాశం
- రూ.38.80 లక్షల ప్రారంభ ధరతో అందుబాటులో ఉన్న ప్రస్తుత వెర్షన్
ఎంజి మోటార్ ఇండియా ఇటీవల భారతదేశంలో తన ఫ్లాగ్‌షిప్ గ్లోస్టర్ ఎస్‌యువి ఫేస్లిఫ్ట్ వెర్షన్‌ను స్పై టెస్ట్చేస్తున్న సమయంలో కనిపించింది. ఈ మోడల్ బాడీ ప్యానెల్స్ అంతటా పూర్తిగా కామోఫ్లేజ్ మాస్కింగ్ కవర్ ద్వారా కవర్ చేయబడ్డాయి, కానీ ఇది మరికొన్ని మార్పులతో వచ్చే అవకాశం ఉంది.
గ్లోస్టర్ ప్రస్తుత వెర్షన్ ఇండియాలో 2020 నుండి విక్రయించబడుతుంది. ఈ వెర్షన్ చాలా వరకు ఎక్స్‌టీరియర్ మరియు ఫీచర్స్ రివైజ్ చేయబడి కొన్ని మిడ్-లైఫ్ అప్‌డేట్‌లను పొందింది. ఈ మోడల్ వచ్చే ఏడాది సరికొత్త ఫేస్‌లిఫ్ట్‌ను పొందడానికి సిద్ధంగా ఉంది.
ఇక్కడ చిత్రంలో చూసినట్లుగా, మూడు-వరుసల ఎస్‌యువి కొత్త బంపర్, టెయిల్‌ లైట్‌లు మరియు రీపోజిషన్డ్ రిఫ్లెక్టర్‌లతో రీడిజైన్ చేయబడిన రియర్ ప్రొఫైల్‌ను పొందుతుంది. మనకు కనిపిస్తున్న అంశాలను గమనిస్తే ఇందులో ఇంటిగ్రేటెడ్ హై-మౌంటెడ్ స్టాప్ ల్యాంప్‌తో కూడిన రూఫ్ స్పాయిలర్, వాషర్‌తో వెనుక వైపర్, డ్యూయల్ ఎగ్జాస్ట్ టిప్, సైడ్ స్టెప్స్, డైమండ్-కట్ అల్లాయ్ వీల్స్ మరియు డోర్-మౌంటెడ్ ఒఆర్‍విఎంఎస్ వంటివి ఉన్నాయి. ముఖ్యంగా గమనించాల్సిన అంశం ఏంటి అంటే, టెస్ట్ మ్యూల్ రూఫ్ రెయిల్స్ లేదు కాబట్టి , ఇది మునుపటి అప్‌డేట్ కంటే మరింత స్టాండర్డ్ గా ఉండనుంది.
మెకానికల్‍గా చూస్తే, ఎంజి గ్లోస్టర్ ఫేస్లిఫ్ట్ మెరుగైన పెర్ఫార్మెన్స్ తో సర్దుబాటు చేయబడిన పవర్‌ట్రెయిన్ ఆప్షన్ లనుపొందుతుంది. ప్రస్తుత వెర్షన్‌లో రెండు ఇంజిన్ ఆప్షన్స్ తో రానుంది - ఇవి 2.0-లీటర్ టర్బో డీజిల్ మరియు 2.0-లీటర్ ట్విన్-టర్బో డీజిల్ ఇంజిన్. ట్రాన్స్‌మిషన్ ఆప్షన్స్ 8-స్పీడ్ ఆటోమేటిక్ గేర్‌బాక్స్‌కు మాత్రమే పరిమితం చేయబడ్డాయి.
ఎంజి గ్లోస్టర్ ఫేస్లిఫ్ట్ 2024లో ఎప్పుడైనా వస్తుందని మేము అంచనా వేస్తున్నాము. ఇది లాంచ్ అయిన తర్వాత, ఫుల్-సైజ్ ఎస్‌యువి సెగ్మెంట్‌లో ఉన్న ఇతర టయోటా ఫార్చ్యూనర్, జీప్ మెరిడియన్ మరియు స్కోడా కొడియాక్‌లతో పోటీగా కొనసాగుతుంది.
అనువాదించిన వారు: రాజపుష్ప
