- நான்கு வேரியண்ட்ஸில் வழங்கப்படும்
- சிங்கிள் 1.5 லிட்டர் பெட்ரோல் இன்ஜின் மூலம் இயக்கப்படுகிறது
ஹோண்டா இறுதியாக இந்தியாவில் மிகவும் எதிர்பார்க்கப்பட்ட எலிவேட் எஸ்யுவியை அறிமுகப்படுத்தியது, இதன் விலை ரூ. 11 லட்சம் (எக்ஸ்-ஷோரூம்).
எலிவேட் புக்கிங் தொகை மற்றும் வேரியண்ட்ஸ் விவரங்கள்
இந்த மாடல் ஜூன் மாதம் வெளியிடப்பட்டது மற்றும் அதன் முன்பதிவு ஒரு மாதத்திற்குப் பிறகு ரூ. 21,000 டோக்கனுக்குத் தொடங்கியது. இந்த மிட்-சைஸ் எஸ்யுவி ஆனது SV, V, VX மற்றும் ZX ஆகிய நான்கு வேரியண்ட்ஸில் ஒரே பெட்ரோல் இன்ஜினுடன் கிடைக்கும்.
ஹோண்டா எலிவேட் இன்ஜின் மற்றும் மைலேஜ்
எலிவேட் எஸ்யுவி ஆனது BS6 2.0 அப்டேடட் 1.5-லிட்டர் என்ஏ பெட்ரோல் இன்ஜினுடன் சிக்ஸ்-ஸ்பீட் மேனுவல் மற்றும் சிவிடீ யூனிட்டுடன் இணைக்கப்பட்டுள்ளது. இந்த மோட்டார் 119bhp மற்றும் 145Nm பீக் டோர்க்கை உற்பத்தி செய்யும் வகையில் டியூன் செய்யப்பட்டுள்ளது. ஏஆர்ஏஐ பொறுத்தவரை சிக்ஸ்-ஸ்பீட் மேனுவலில் லிட்டருக்கு 15.31 கி.மீ மற்றும் சிவிடீ யூனிட்டில் லிட்டருக்கு 16.92 கி.மீ வரையிலான ஃபியூல் எஃபிஷியன்சியை கொண்டது.
எலிவேட் என்னென்ன வண்ணங்களை வழங்குகிறது?
எலிவேட்டை 10 வெவ்வேறு வண்ணங்களில் தேர்வுசெய்யலாம். இதில் ஏழு மோனோடோன் மற்றும் மூன்று டூயல்-டோன் வண்ணங்கள் அடங்கும். ரேடியன்ட் ரெட், ஃபீனிக்ஸ் ஆரஞ்சு மற்றும் பிளாட்டினம் ஒயிட் ஆகியவை சிங்கிள் டோனில் அல்லது கான்ட்ராஸ்ட்டிங் பிளாக் ரூஃப் உடன் இருக்கலாம் மற்றும் கோல்டன் ப்ரௌன், அப்சிடியன் ப்ளூ, லூனார் சில்வர் மற்றும் மீடீஓரொய்ட் க்ரே ஆகியவை மோனோடோன் விருப்பங்களாக வழங்கப்படுகின்றது.
நியூ எலிவேட்டின் இன்டீரியர் மற்றும் ஃபீச்சர்ஸ்
அம்சங்களைப் பொறுத்தவரை, ஹோண்டா எஸ்யுவி 10.25-இன்ச் டச்ஸ்கிரீன் இன்ஃபோடெயின்மென்ட் சிஸ்டம், ஆண்ட்ராய்டு ஆட்டோ மற்றும் ஆப்பிள் கார்ப்ளே இணைப்பு, க்ரூஸ் கண்ட்ரோல், வயர்லெஸ் சார்ஜர், ஆட்டோமேட்டிக் க்ளைமேட் கண்ட்ரோல், ஆம்பியன்ட் லைட்டிங் மற்றும் எலக்ட்ரிக் சன்ரூஃப் ஆகியவற்றைப் பெறுகிறது. இதில் ப்ளைண்ட்-ஸ்பாட் மானிட்டர், ஆறு ஏர்பேக்ஸ், ஹோண்டா சென்சிங் ஏடாஸ், சென்சார்ஸ் கொண்ட ரிவர்ஸ் பார்க்கிங் கேமரா, ஆட்டோமேட்டிக் ஹெட்லேம்ப்ஸ், ரியர் வைப்பர் மற்றும் பல அம்சங்களை வழங்குகின்றன.
ஹோண்டா எலிவேட் யாருடன் போட்டியிடும்?
ஹோண்டா எலிவேட் மிட்-சைஸ் எஸ்யுவி செக்மெண்ட்டில் ஹூண்டாய் க்ரெட்டா, மாருதி சுஸுகி கிராண்ட் விட்டாரா, டொயோட்டா அர்பன் க்ரூஸர் ஹைரைடர், எம்ஜி ஆஸ்டர், ஃபோக்ஸ்வேகன் டைகுன் மற்றும் ஸ்கோடா குஷாக் ஆகியவற்றுக்கு போட்டியாக இருக்கும்.
வேரியண்ட் வாரியான அறிமுக எக்ஸ்-ஷோரூம் விலைகள் பின்வருமாறு:
| வேரியண்ட் | விலை |
| SV எம்டீ | ரூ. 10,99,900 |
| V எம்டீ | ரூ. 12,10,900 |
| V சிவிடீ | ரூ. 13,20,900 |
| VX எம்டீ | ரூ. 13,49,900 |
| VX சிவிடீ | ரூ. 14,59,900 |
| ZX எம்டீ | ரூ. 14,89,900 |
| ZX சிவிடீ | ரூ. 15,99,900 |
