- இதன் விலை ரூ. 11.58 லட்சத்தில் இருந்து தொடங்குகிறது
- இது கடந்த ஆண்டு செப்டம்பர் மாதம் தொடங்கப்பட்டது
கடந்த ஆண்டு செப்டம்பரில், ஹோண்டா எலிவேட் எஸ்யுவியை இந்திய சந்தையில் அறிமுகப்படுத்தியது, இப்போது அறிமுகப்படுத்தப்பட்ட ஆறு மாதங்களுக்குள், இந்த மிட்-சைஸ் எஸ்யுவி நாட்டில் 30,000 யூனிட்களின் விற்பனையை கடந்து புதிய சாதனையை படைத்துள்ளது.
ஹோண்டா எலிவேட் ஆனது SV, V, VX மற்றும் ZX ஆகிய நான்கு வேரியன்ட்ஸில் ரூ. 11.58 லட்சம் (எக்ஸ்-ஷோரூம்) ஆரம்ப விலையில் கிடைக்கிறது. ஹூண்டாய் க்ரெட்டாவுடன் போட்டி போடும் இந்த எஸ்யுவியில் 1.5 லிட்டர் என்ஏ பெட்ரோல் இன்ஜின் உள்ளது. இந்த இன்ஜின் சிக்ஸ்-ஸ்பீட் மேனுவல் மற்றும் சிவிடீ கியர்பாக்ஸுடன் இணைக்கப்பட்டுள்ளது, இது 119bhp மற்றும் 145Nm டோர்க்கை உருவாக்குகிறது.
தற்போது, ஹோண்டா கார்ஸ் இந்தியாவில் அமேஸ், சிட்டி மற்றும் எலிவேட் உள்ளிட்ட மூன்று கார்கள் விற்பனைக்கு உள்ளன. எலிவேட் எஸ்யுவி அறிமுகப்படுத்தப்பட்டதில் இருந்து, கார் தயாரிப்பாளர் மாதாந்திர உள்நாட்டு விற்பனை மற்றும் ஏற்றுமதியில் வலுவான வளர்ச்சியைக் கண்டுள்ளது. இதற்கிடையில், பிராண்ட் சமீபத்தில் ஜப்பானில் எலிவேட்டின் ரீபேட்ஜ் செய்யப்பட்ட WR-V ஐ அறிமுகப்படுத்தியது.
மொழிபெயர்த்தவர்: ஐசக் தீபன்