- 31% పెరిగిన డొమెస్టిక్ కార్ సేల్స్ వార్షిక వృద్ధి రేటు
- వోల్వో బ్రాండ్ నుంచి టాప్-సెల్లింగ్ మోడల్ గా నిలిచిన XC60
తాజాగావోల్వో కార్స్ ఇండియా 2023 సంవత్సరంలో తాను సంవత్సరం అంతటా విక్రయించిన వార్షిక సేల్స్ రిపోర్టును ప్రకటించింది. 2022సంవత్సరంలో విక్రయించిన 1,851 కార్లతో పోలిస్తే, 2023 సంవత్సరంలో ఈ స్వీడిష్ ఆటోమేకర్ 2,423 కార్లను విక్రయించింది. దీంతో 2023 సంవత్సరం వోల్వో కార్స్ ఇండియా యొక్క వార్షిక వృద్ధి రేటు 31% శాతం పెరిగింది. ఈ బ్రాండ్ విక్రయించిన కార్ల లిస్టును పరిశీలిస్తే, టాప్ సెల్లింగ్ మోడల్ గా XC60 ఎస్‍యూవీ నిలువగా, తర్వాత 921 యూనిట్లు మరియు 510 యూనిట్ల విక్రయాలతో ఎలక్ట్రిక్ ఎస్‍యూవీ, XC40 రీచార్జ్ మోడల్స్ నిలిచాయి.
ఇతర వార్తలలో చూస్తే, వోల్వో కార్స్ ఇండియా జనవరి 1వ తేదీ, 2024 నుంచి తన మోడల్స్ పై ధరలను పెంచింది. XC60పై రూ.1,05,000పెరగగా, XC90 మరియు XC40రీచార్జ్ మోడల్స్ పై రూ. 2,04,900 మరియు రూ.1,00,000 వరకు ధరలు పెరిగాయి.
వోల్వో కార్స్ ఇండియా మేనేజింగ్ డైరెక్టర్ జ్యోతి మల్హోత్రా సేల్స్ పై స్పందిస్తూ “ వృద్ధి పరంగా 2023 ఒక గొప్ప సంవత్సరంగా నిలిచింది. కస్టమర్లకు తమ ప్రొడక్ట్స్ సేఫ్టీ, ఇన్నోవేటివ్ డిజైన్ చాలా బాగా నచ్చడంతో ఇంతకు ముందు సంవత్సరాలతో పోలిస్తే 2023లో 31 శాతం వృద్ధి నమోదు చేశాము. XC40 రీచార్జ్ సేల్స్ అమాంతం పెరగడంతో పాటు C40 రీచార్జ్ వంటి ఎలక్ట్రిక్ మోడల్స్ కు కస్టమర్స్ నుంచి స్ట్రాంగ్ రెస్పాన్స్ వచ్చింది. వీటన్నింటినీ దృష్టిలో ఉంచుకొని ప్రతి సంవత్సరం ఒక కొత్త ఈవీ మోడల్ ను లాంచ్ చేయనున్నాము” అని పేర్కొన్నారు.
అనువాదించిన వారు: సంజయ్ కుమార్
