రూ.11 లక్షల లోపు లభించే టాప్-6 డీజిల్ కార్స్ ఏవో తెలుసా !

ప్రస్తుతం హైబ్రిడ్ మరియు ఈవీలు పాపులర్ అవుతున్న సమయంలో డీజిల్ తో నడిచే కార్లు చాలా తక్కువగా ఉంటున్నాయి. కానీ, మీరు ఒకవేళ రూ.11 లక్షలు లోపు డీజిల్ కార్ కొనాలనుకుంటే మేము మీ కోసం టాప్ హ్యచ్ బ్యాక్స్ మరియు ఎస్‍యువిల లిస్టును సిద్ధం చేశాము. వీటితో మీరు మీ పండుగ సీజన్ ను చాలా సంతోషంగా సెలెబ్రేట్ చేసుకోవచ్చు.

టాటా నెక్సాన్ (ప్రారంభ ధర రూ.11 లక్షలు, ఎక్స్ షోరూం)

ఇటీవల కొత్త టర్బో పెట్రోల్ మరియు DCT గేర్‌బాక్స్‌తో ప్రారంభించబడిన నెక్సాన్ 1.5-లీటర్ రెవోటార్క్ ఇంజన్‌తో పాటు అందుబాటులో ఉంది. ఇది ఇప్పుడు బిఎస్6 2.0 మరియు ఆర్డీఈ నిబంధనలకు అనుగుణంగా ఉంది. అలాగే ఇది మాన్యువల్ మరియు ఆటోమేటిక్ గేర్‌బాక్స్‌లతో అందించబడుతుంది. ఇది హ్యుందాయ్ వెన్యూ, కియా సోనెట్ మరియు మహీంద్రా ఎక్స్‌యువి300 వంటి వాటితో పోటీపడుతుంది, ఇది ప్యూర్, క్రియేటివ్, క్రియేటివ్ ప్లస్ మరియు ఫియర్‌లెస్ వేరియంట్స్ లో లభిస్తుంది.

హ్యుందాయ్ వెన్యూ (ప్రారంభ ధర రూ.10.46 లక్షలు, ఎక్స్ షోరూం)

వెన్యూ బిఎస్6 ఫేజ్ 2 కంప్లైంట్ 1.5-లీటర్ డీజిల్ ఇంజన్‌తో పనిచేస్తుంది. ఇది 113bhp మరియు 250Nm టార్క్ ఉత్పత్తి చేస్తుంది. అలాగే, ఇది 6-స్పీడ్ మ్యాన్యువల్ గేర్‌బాక్స్‌తో జత చేయబడింది. అయితే, ఇందులో ఆటోమేటిక్ ట్రాన్స్‌మిషన్‌ లేదు. వెన్యూ డీజిల్‌ను S ప్లస్, SX మరియు SX (O) వేరియంట్స్ లో అందుబాటులో ఉంది. ఇది సోనెట్‌తో పాటుకొత్తగా ప్రారంభించిన టాటా నెక్సాన్ ఫేస్‌లిఫ్ట్‌కు పోటీగా ఉంది.

కియా సోనెట్ (ప్రారంభ ధర రూ.9.95 లక్షలు, ఎక్స్ షోరూం)

1.2-లీటర్ నేచురల్లీ ఆస్పిరేటేడ్ పెట్రోల్ మరియు 1.0-లీటర్ టర్బో-పెట్రోల్ ఇంజన్‌లతో పాటు, సోనెట్ 1.5-లీటర్ డీజిల్ మోటార్‌తో కూడా అందుబాటులో ఉంది. ఇది 113bhp మరియు 250nm టార్క్‌ని ఉత్పత్తి చేస్తుంది. వెన్యూ లాగా కాకుండా, ఈ కియా ఎస్‍యువి ఐఎంటిమరియు 6-స్పీడ్ టార్క్ కన్వర్టర్ ఆటోమేటిక్ ట్రాన్స్‌మిషన్‌తో అందించబడుతుంది.

టాటా అల్ట్రోజ్ (ప్రారంభ ధర రూ.8.80 లక్షలు, ఎక్స్ షోరూం)

టాటా ఆల్ట్రోజ్ ప్రస్తుతం దేశంలో అత్యంత చవకైన డీజిల్ హ్యాచ్‌బ్యాక్ తో అందుబాటులో ఉంది. ఇది 89bhp మరియు 200Nm టార్క్ ఉత్పత్తి చేసేందుకు వీలుగా 1.5-లీటర్ డీజిల్ మిల్ తో వచ్చింది. ఇది 5-స్పీడ్ మాన్యువల్ గేర్‌బాక్స్‌తో మాత్రమే అందుబాటులో ఉంటుంది.ఆల్ట్రోజ్ XM ప్లస్, XM ప్లస్ (S), XT, XZ మరియు XZ ప్లస్ (S) వేరియంట్స్ లో లభిస్తుంది.

మహీంద్రా ఎక్స్‌యువి300 (ప్రారంభ ధర రూ.10.21 లక్షలు, ఎక్స్ షోరూం)

ఎక్స్‌యువి300 డీజిల్ 115bhp, 1.5-లీటర్ డీజిల్ ఇంజన్‌తో వస్తుంది. ఇది మాన్యువల్ మరియు ఆటోమేటిక్ గేర్‌బాక్స్‌లలో అందుబాటులో ఉంది. మహీంద్రా దీనిని W4, W6, W8 మరియు W8 (O) వేరియంట్‌లలో అందిస్తుంది.

మహీంద్రా థార్ (ప్రారంభ ధర రూ.10.98 లక్షలు, ఎక్స్ షోరూం)

2023లో, థార్ 4x2వేరియంట్ ద్వారా చాలా బెనిఫిట్ పొందింది. 4x4 వేరియంట్‌లతో పాటు విక్రయించబడినఎంట్రీ-లెవల్ థార్ డీజిల్ 117bhp పవర్ ని ఉత్పత్తి చేసే 1.5-లీటర్ డీజిల్ ఇంజిన్‌తో అందుబాటులో ఉంది. ఇది 6-స్పీడ్ మ్యాన్యువల్ గేర్‌బాక్స్‌తో జత చేయబడింది. ఒకవేళ, మీరు 4x4 వేరియంట్స్ మీకు నచ్చితే వాటి ధర రూ.14 లక్షలు (ఎక్స్-షోరూమ్) నుండి ప్రారంభమవుతుంది. 

అనువాదించిన వారు: సంజయ్ కుమార్