- మోడల్ అంతటా ఉన్న రెడ్ కలర్ యాక్సెంట్స్
- మెకానికల్ గా ఎలాంటి మార్పులు లేకుండా వచ్చిన సఫారీ రెడ్ డార్క్ ఎడిషన్
టాటా మోటార్స్ కంపెనీ దాని ఎస్యూవీలలో డార్క్/బ్లాక్ ఎడిషన్ ని పరిచయం చేసి తనదైన స్టైల్ ని కొనసాగిస్తూ ఆటో మార్కెట్ రంగంలో కొన్నేళ్ళ నుంచి రారాజుగా నిలుస్తూ ఉంది. ఇప్పుడు దీనిని ఇంకాస్త ముందుకు తీసుకువెళ్తూ, సఫారీ రెడ్ డార్క్ ఎడిషన్ ఎస్యూవీని భారత్ మొబిలిటీ ఎక్స్పో 2024లో ప్రదర్శించింది.
టాటా సఫారీ ఫేస్లిఫ్ట్ వెర్షన్ గత సంవత్సరం అక్టోబరు నెలలో ఇండియాలో లాంచ్ అయింది. ఇది వివిధ కలర్స్ లో అందించబడుతుండగా, అందులో బ్లాక్ ఎడిషన్ కూడా ఉంది. మొత్తానికి, ఇప్పుడు భారత్ ఎక్స్పోలో రెడ్ డార్క్ ఎడిషన్ అనే కొత్త కలర్ ని ప్రదర్శించింది. ఇందులో రెడ్ యాక్సెంట్స్ మరియు బయట మరియు లోపల పూర్తిగా బ్లాక్ పెయింట్ ని కలిగి ఉంది.
ఎక్స్టీరియర్ పరంగా, బయటి వైపు సఫారీ రెడ్ డార్క్ ఎడిషన్ రెడ్ ట్రీట్ మెంట్ తో హెడ్ ల్యాంప్స్ క్లస్టర్, బ్రేక్ కాలిపర్స్, మరియు ఫ్రంట్ డోర్ మరియు టెయిల్ గేట్ పై సఫారీ బ్యాడ్జి, ఫ్రంట్ ఫెండర్ పై సఫారీ స్టాండర్డ్ బ్లాక్ ఎడిషన్లో లేని ‘#Dark’ అనే సింబల్ ని పొందింది.
ఇక క్యాబిన్ విషయానికి వస్తే, బ్లాక్ ఎడిషన్లో ఉన్న ఆల్-బ్లాక్ థీమ్ లాగా కాకుండా, సఫారీ రెడ్ డార్క్ ఎడిషన్ రెడ్ సీట్ అప్హోల్స్టరీ మరియు డ్యాష్ బోర్డుపై గార్నిష్ ని పొందింది. అదే విధంగా, డోర్ ప్యాడ్లపై రెడ్ ఎలిమెంట్స్ మరియు క్యాబిన్లోని ఇతర ఏరియాల్లో స్టిచింగ్ ని పొందింది.
మెకానికల్ గా, టాటా సఫారీ బ్లాక్ ఎడిషన్లో ఉన్నట్లుగానే ఎలాంటి మార్పులు లేకుండా రెడ్ డార్క్ ఎడిషన్లో కూడా 6-స్పీడ్ మాన్యువల్ మరియు ఆటోమేటిక్ టార్క్ కన్వర్టర్ గేర్ బాక్సుతో జత చేయబడిన 2.0-లీటర్ డీజిల్ ఇంజిన్ ని కొనసాగించనుంది.
అనువాదించిన వారు: సంజయ్ కుమార్