నేడే నూతన సంవత్సరం ప్రారంభమయింది మరియు దానితో పాటు ఆయా స్పెక్ట్రమ్లలో వస్తున్న కొత్త ప్రొడక్ట్స్ యొక్క ధరల రేంజ్, సెగ్మెంట్స్, ఫ్యూయల్ టైప్స్ మరియు మొదలైన వాటి వివరాలను మనం చూడబోతున్నాము. అయితే, ఇప్పుడు మనం తాజాగా 2024 మొదటి నెలలో కొత్త కారు లాంచ్ మరియు ఆవిష్కరణలపై గురించి తెలుసుకుందాం.
కియా సోనెట్ ఫేస్లిఫ్ట్
డిసెంబర్-2023లో ఇండియాలో కియా సోనెట్ ఫేస్లిఫ్ట్ లాంచ్ ద్వారా ప్రపంచవ్యాప్తంగా అరంగేట్రం చేసింది. సబ్-4-మీటర్ ఎస్యూవీ యొక్క ధరలను ఈ నెలలో కియా కంపెనీ ప్రకటించనుంది. హ్యుందాయ్ వెన్యూ, మారుతి బ్రెజా, రెనాల్ట్ కైగర్, మహీంద్రా ఎక్స్యూవీ300 మరియు నిస్సాన్ మాగ్నైట్ లతో పోటీపడుతున్న కియా సోనెట్ ఫేస్లిఫ్ట్ డెలివరీ జనవరి 14వ తేదీ నుంచి ప్రారంభంకానుంది.
అప్డేట్స్ పరంగా, 2024 సోనెట్ లో రివైజ్డ్ ఫ్రంట్ మరియు రియర్ బంపర్లతో రివైజ్డ్ ఎక్స్టీరియర్ డిజైన్, రీడిజైన్డ్ ఎల్ఈడీ హెడ్ల్యాంప్స్ మరియు టెయిల్లైట్స్, కొత్త 16-ఇంచ్ అల్లాయ్ వీల్స్ మరియు బూట్ లిడ్పై ఎల్ఈడీలైట్ బార్ ఉన్నాయి. లోపల చూస్తే, మరిన్ని ఫీచర్స్ తో కలిపి ఏడీఏఎస్(అడాస్)సూట్, ఫుల్లీ డిజిటల్ కలర్ ఇన్స్ట్రుమెంట్ క్లస్టర్, 360-డిగ్రీ కెమెరా మరియు రియర్ డోర్ సన్షేడ్ కర్టెన్స్ ఉన్నాయి. ఇంకా చెప్పాలంటే, ఇందులో 6-ఎయిర్ బ్యాగ్స్ స్టాండర్డ్ గా ఉండడం పెద్ద విశేషంగా చెప్పవచ్చు.
హ్యుందాయ్ క్రెటా ఫేస్లిఫ్ట్
కస్టమర్లు అంతా ఈ సంవత్సరంలో అత్యంత ఎక్కువగా ఎదురుచూస్తున్న లాంచ్లలో హ్యుందాయ్ క్రెటా ఫేస్లిఫ్ట్ ఒకటి చెప్పవచ్చు. జనవరి 16న వీటి ధరల ప్రకటనతో పాటుగా లాంచ్ చేయబడనుంది, హ్యుందాయ్ క్రెటాన్యూ జెన్ మోడల్ 2020లో లాంచ్ కాగా, తర్వాత దాని మొట్టమొదటి ప్రధాన అప్డేట్ ను ఇప్పుడు పొందింది.
2024 క్రెటాలో ఉన్న మార్పుల గురించి చెప్పాలంటే, ఇందులో కొత్త ఫ్రంట్ మరియు రియర్ బంపర్స్, కొత్త గ్రిల్, స్ప్లిట్ హెడ్ల్యాంప్స్, కొత్త డ్యూయల్-టోన్ అల్లాయ్ వీల్స్, ఫుల్లీ డిజిటల్ కలర్ ఇన్స్ట్రుమెంట్ కన్సోల్, ఏడీఏఎస్(అడాస్) సూట్, 360-డిగ్రీ కెమెరా మరియు డాష్క్యామ్ ఉన్నాయి. ఇప్పుడు వచ్చే ఈ అప్డేట్ లో 6-స్పీడ్ మాన్యువల్ మరియు 7-స్పీడ్ డిసిటి యూనిట్లతో జత చేయబడిన కొత్త 1.5-లీటర్ టర్బో-పెట్రోల్ ఇంజన్ కూడా వచ్చే అవకాశం ఉంది.
అప్డేటెడ్ మహీంద్రా ఎక్స్యూవీ400
ఫోటో ప్రాతినిధ్య ప్రయోజనాల కోసంమాత్రమే ఉపయోగించబడింది
ఇండియన్ ఆటో దిగ్గజం మహీంద్రా ఎక్స్యూవీ400 ఎలక్ట్రిక్ ఎస్యూవీ అప్డేట్ పై తన పనిని కొనసాగిస్తుండగా, దీని లాంచ్ మరికొన్ని వారాల్లో జరగనుంది. దీనికి సంబంధించిన లీకైన వివరాలు చూస్తే, ఇది EC ప్రో మరియు EL ప్రో అనే 2 వేరియంట్లలో అందించబడుతుంది అనేది స్పష్టమయ్యింది.
ముందుగా ఫీచర్స్ గురించి చెప్పాలంటే, కొత్త ఎక్స్యూవీ400లోరియర్ ఏసీవెంట్స్, డ్యూయల్ 10.25-ఇంచ్ స్క్రీన్స్, వైర్లెస్ యాపిల్ కార్ ప్లేమరియు ఆండ్రాయిడ్ ఆటో కనెక్టివిటీ, రివైజ్డ్ డాష్బోర్డ్, కొత్త స్టీరింగ్ వీల్ మరియు వైర్లెస్ ఛార్జింగ్ వంటి అద్బుతమైన ఫీచర్స్ ఉన్నాయి. ఇక ఇందులోని బ్యాటరీ ప్యాక్స్ లో ఏమాత్రం మార్పు లేకుండా ఇంతకు ముందు ఉన్న 34.5 మరియు 39.4kWh యూనిట్లు ఉండనున్నాయి.
మెర్సిడెస్-బెంజ్ జిఎల్ఎస్ ఫేస్లిఫ్ట్
రానున్న కొన్ని నెలల్లో జర్మన్ లగ్జరీ ఆటోమొబైల్ మానుఫాక్చరర్ వివిధ మోడల్స్ ని లాంచ్ చేయనుండగా మొదటగా మెర్సిడెస్-బెంజ్ జిఎల్ఎస్ ఫేస్లిఫ్ట్ ని జనవరి 8వ తేదీన లాంచ్ చేయనుంది. నిప్-అండ్-టక్ అప్డేట్ అవుట్గోయింగ్ మోడల్ లో 3.0-లీటర్ డీజిల్ మోటారు మాత్రమే కాకుండా 3.0-లీటర్ పెట్రోల్ ఇంజన్ను కూడా మెర్సిడెస్-బెంజ్ పరిచయం చేయనుంది.
ఇక ఎక్స్టీరియర్ పరంగా మార్పులు విషయానికి వస్తే, ట్వీక్డ్ ఫ్రంట్ మరియు రియర్ బంపర్స్, రీడిజైన్డ్ ఎల్ఈడీ హెడ్ల్యాంప్స్, మెరిసిపోయే విధంగా ఉన్న బ్లాక్ కలర్ ఇన్సర్ట్స్ మరియు కొత్త 20-ఇంచ్ అల్లాయ్ వీల్స్ సెట్ వరకు మాత్రమే ఇవి పరిమితం చేయబడ్డాయి. లోపల చూస్తే ఇంటీరియర్ పరంగా, ఈ ఎస్యూవీ లేటెస్ట్ ఎంబియుఎక్స్ ఇన్ఫోటైన్మెంట్ సిస్టమ్, పారదర్శకంగా కనిపించే బానెట్ ఫంక్షన్, 3 డిస్ప్లే మోడ్స్ మరియు 2 ఇంటీరియర్ థీమ్లను పొందనుంది.
అనువాదించిన వారు: సంజయ్ కుమార్