- సన్రూఫ్ వేరియంట్‌లను ఎంచుకున్న 71 శాతం కొనుగోలుదారులు
- జనవరి 2024లో లాంచ్ అయిన క్రెటా
లాంచ్ అయిన మూడు నెలలకే, 2024 క్రెటా భారీ మైలురాయిని అధిగమించడం ద్వారా కొరియన్ ఆటోమేకర్ నుండి అత్యంత పాపులర్ ఎస్‌యువిగా నిరూపించబడి మార్కెట్లో సక్సెస్ ఫుల్ గా ముందుకు దూసుకెళుతుంది. ఆటోమేకర్ జనవరి 2024లో లాంచ్ చేసినప్పటి నుండి ఈ మిడ్-సైజ్ ఎస్‌యువి లక్షకు పైగా బుకింగ్‌లను నమోదు చేసింది.
క్రెటా విక్రయాలు, బుకింగ్స్ పరంగా రికార్డులను బద్దలు కొట్టడం వంటి వాటిలో టాప్ లిస్ట్ లో ఉంది. ముఖ్యంగా చెప్పాలంటే, ఎస్‌యువిఫిబ్రవరి మరియు మార్చి నెలలో వరుసగా 50,000 మరియు 80,000 బుకింగ్‌లను పొందింది. క్రెటాకి పోటీగా ఉన్న కియా సెల్టోస్ కి ఇదే మైలురాయిని సాధించడానికి ఆరు నెలల సమయం పట్టింది.
రూ. 11 లక్షలు (ఎక్స్-షోరూమ్)ప్రారంభ ధరతో లాంచ్ అయిన క్రెటా ఎస్‌యువి ప్రస్తుతం పెట్రోల్ మరియు డీజిల్ ఇంజిన్‌లతో E, EX, S, S(O), SX, SX టెక్ మరియు SX(O) అనే 7 వేరియంట్లలో అందుబాటులో ఉంది. ఇంకా చెప్పాలంటే,ఈ మోడల్ పై ఇటీవలే మొదటిసారిగా రూ. 10,800 వరకు ధర పెరిగింది.
ఇతర వార్తలలో చూస్తే, కొరియన్ ఆటోమేకర్ క్రెటా ఎస్‌యువి ఆల్-ఎలక్ట్రిక్ వెర్షన్‌ను ఇండియాలో కూడా లాంచ్ చేయడానికి కృషి చేస్తోంది. హ్యుందాయ్ ఈ మోడల్ పై ఇటీవల టెస్టింగ్ ను కొనసాగిస్తుండగా, ఇది 2024 చివరిలో లాంచ్ అవుతుందని భావిస్తున్నారు.
ఈ మైలురాయి గురించి వ్యాఖ్యానిస్తూ, హ్యుందాయ్ మోటార్ ఇండియా లిమిటెడ్, సిఓఓ, తరుణ్ గార్గ్ మాట్లాడుతూ, “ఇటీవల లాంచ్ అయిన కొత్త హ్యుందాయ్ క్రెటాను జనవరి 2024లో లాంచ్ చేసినప్పటి నుండి కేవలం మూడు నెలల పీరియడ్ లో ఒక లక్షకు పైగా బుకింగ్‌లతో అద్భుతమైన స్పందనను పొందింది.మొత్తం బుకింగ్‌లలో సన్రూఫ్ మరియు కనెక్ట్ చేయబడిన కార్ల వేరియంట్‌లు వరుసగా 71 శాతం మరియు 52 శాతం సహకారాన్ని చూడటం ఆసక్తికరంగా ఉంది, ఇది యంగ్ ఇండియన్ కస్టమర్ల మారుతున్న ఆకాంక్షలకు నిదర్శనం.కొత్త హ్యుందాయ్ క్రెటాతో, 'మేక్ ఇన్ ఇండియా' పట్ల హ్యుందాయ్ మోటార్ ఇండియా నిబద్ధతను బలపరుస్తూ, ఇండియన్ మార్కెట్ లో అసాధారణమైన ఉత్పత్తులను పరిచయం చేసే మా ప్రయత్నాన్ని మేము కొనసాగిస్తున్నాము. బ్రాండ్ క్రెటా ఎల్లప్పుడూ కొత్త బెంచ్‌మార్క్‌లను సృష్టించడమేకాకుండా ఇప్పుడు కొత్త హ్యుందాయ్ క్రెటాతో, మేము భారతదేశంలో ఒక ఎస్‌యువికి ఫిమేల్ బ్రాండ్ అంబాసిడర్‌ని కలిగి ఉండటం ద్వారా యథాతథ స్థితిని సవాలు చేసాము, ఇది పరిశ్రమలో మొదటిది.కొత్త హ్యుందాయ్ క్రెటాపై వారి ప్రేమ మరియు విశ్వాసం పొందడానికి మా కస్టమర్‌లందరికీ మేము హృదయపూర్వక ధన్యవాదాలు తెలియజేస్తూ, మేము పరిశ్రమలో కొత్త మైలురాయి మరియు బెంచ్‌మార్క్‌లను నెలకొల్పడం కొనసాగిస్తామనే నమ్మకంతో ఉన్నాము” అని తెలిపారు.
అనువాదించిన వారు: రాజపుష్ప
