ఇండియా ఎక్స్‌క్లూజివ్‌! డిసెంబర్ 20 నుండి ప్రారంభంకానున్న కియా సోనెట్ ఫేస్‍లిఫ్ట్ బుకింగ్స్

• వచ్చే ఏడాది ప్రారంభంలో సోనెట్ ఫేస్‌లిఫ్ట్ ధరలను ప్రకటించే అవకాశం
• రేపే(14 డిసెంబర్, 2023) అధికారిక ఆవిష్కరణ

రేపు కియా సోనెట్ ఫేస్‍లిఫ్ట్ అరంగేట్రం చేయడానికి రంగం సిద్ధం అయింది. అయితే దాని కంటే ముందు కార్‌వాలే వెబ్ సైట్ కియా సోనెట్ ఫేస్‌లిఫ్ట్ గురించి కీలకమైన వివరాలను తెలుసుకుంది. రేపు ఆవిష్కరణ జరగనుండగా, కియా కంపెనీ మాత్రం వచ్చే ఏడాది ప్రారంభంలో అప్ డేటెడ్ సబ్-4 మీటర్ ఎస్‍యూవీ ధరలను ప్రకటించాలని భావిస్తుంది.

కియా బ్రాండ్ 2024 సోనెట్‌ను రేపు (14 డిసెంబర్, 2023) ఆవిష్కరించనుండగా, ఈబ్రాండ్ మోడల్ ప్రీ-బుకింగ్స్ ని డిసెంబర్ 20 నుండి మాత్రమే ప్రారంభించనుంది. ఈ రిఫ్రెష్డ్ మోడల్ బయట వైపు మరియు లోపల కొన్ని కాస్మెటిక్ అప్‌డేట్స్, అలాగే మరిన్ని ఫీచర్స్ సెట్‌తో అందుబాటులోకి రానుంది. కస్టమర్లు దీనిని 7 వేరియంట్స్ మరియు 10 కలర్స్ నుండి ఎంచుకోవచ్చు.

సోనెట్ ఫేస్‌లిఫ్ట్‌లోని పవర్‌ట్రెయిన్ ఆప్షన్స్ విషయానికి వస్తే ఇందులోని 1.2-లీటర్ నేచురల్లీ ఆస్పిరేటెడ్పెట్రోల్ ఇంజన్‌ 5-స్పీడ్ మాన్యువల్ ట్రాన్స్‌మిషన్‌తో మాత్రమే అందించబడుతుంది. 1.5-లీటర్ డీజిల్ ఇంజన్ 6-స్పీడ్ మాన్యువల్, ఐఎంటి మరియు టార్క్ కన్వర్టర్ ఆటోమేటిక్ యూనిట్స్ తో అందుబాటులోకి రానుంది. మరోవైపు, 1.0-లీటర్ టర్బో-పెట్రోల్ ఇంజిన్ 6-స్పీడ్ ఐఎంటి యూనిట్ మరియు 7-స్పీడ్ డిసిటి యూనిట్‌తో జత చేయబడి అందించబడుతుంది. 

ఫీచర్స్ పరంగా చూస్తే కియా సోనెట్ ఫేస్‌లిఫ్ట్‌లో స్టాండర్డ్ గా 6 ఎయిర్ బ్యాగ్స్, లెవెల్-1 ఏడీఏఎస్ సూట్, టచ్-బేస్డ్ ఏసీ కంట్రోల్స్, 4-వే పవర్ అడ్జస్టబుల్ డ్రైవర్ సీటు, 360-డిగ్రీ కెమెరా, వాయిస్-కంట్రోల్డ్ విండో ఫంక్షన్, రిమోట్ ఏసీ కంట్రోల్, ఫ్రంట్ మరియు రియర్ పార్కింగ్ సెన్సార్స్, ఆల్-వీల్ డిస్క్ బ్రేక్స్ మరియు కొత్త 10.25-ఇంచ్ కలర్డ్ ఇంస్ట్రుమెంట్ డిస్ ప్లే వంటి అద్బుతమైన ఫీచర్స్ ఉండనున్నాయి. అలాగే ఇందులో ప్రత్యేకంగా ఎలక్ట్రిక్ సన్‌రూఫ్, వెంటిలేటెడ్ ఫ్రంట్ సీట్స్, ఓటీఏ అప్‌డేట్స్, కియా కనెక్ట్, 10.25-ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఫోన్ కనెక్టివిటీ మరియు బోస్-సోర్స్డ్ సెవెన్-స్పీకర్ సిస్టమ్ కూడా ఉండనున్నాయి.

దీని బయటి వైపు చూస్తే, కొత్త సోనెట్ ఫేస్‌లిఫ్ట్‌లో కొత్త హెడ్ ల్యాంప్ సెట్ మరియు ఇంటిగ్రేటెడ్ ఎల్ఈడీ డీఆర్ఎల్స్, రివైజ్డ్ ఫ్రంట్ మరియు రియర్ బంపర్స్, వర్టికల్ గా అమర్చబడిన ఎల్ఈడీ టెయిల్ లైట్స్, బూట్ లిడ్ పై ఎల్ఈడీ లైట్ బార్, కొత్త ఎల్ఈడీ ఫాగ్ లైట్స్, మరియు కొత్త రియర్ స్కిడ్ ప్లేట్ ఉండనున్నాయి. 

అనువాదించిన వారు: సంజయ్ కుమార్