- ఇండియాలో రాబోయే నెలల్లో ప్రారంభంకానున్న i20 ఎన్ లైన్ ఫేస్లిఫ్ట్
- అదే 1.0-లీటర్ టర్బో-పెట్రోల్ ఇంజిన్తో కొనసాగుతున్న మోడల్
హ్యుందాయ్ మోటార్ ఇండియా గత ఏడాది సెప్టెంబర్లో ఫేస్లిఫ్టెడ్ i20ని ఇండియాలో లాంచ్ చేసింది. ఇప్పుడు, దీని ఆటోమేకర్ ఈ హ్యాచ్బ్యాక్ యొక్క అప్డేటెడ్ ఎన్ లైన్ వెర్షన్ను ప్రపంచవ్యాప్తంగా మార్కెట్లో ప్రకటించగా, త్వరలో ఇండియాలో లాంచ్ అవుతుందని సూచించింది.
బయటి వైపు, న్యూ i20 ఎన్ లైన్లో 'ఎన్' బ్యాడ్జింగ్తో కూడిన కొత్త అల్లికతో రేడియేటర్ గ్రిల్, ఎన్ లైన్-స్పెసిఫిక్ స్పోర్టీ బంపర్స్, ఫ్రంట్ బంపర్ మరియు సైడ్ స్కర్ట్లపై రెడ్ కలర్ ఇన్సర్ట్స్ సరికొత్తగా రూపొందించిన 17-ఇంచ్ డైమండ్-కట్ అల్లాయ్ వీల్స్ మరియు క్రోమ్ ట్విన్-ఎగ్జాస్ట్స్ వంటివి ఉన్నాయి. అదనంగా, దీని మానుఫాక్చరర్ 4న్యూ ఎక్స్టీరియర్ కలర్స్ ను పరిచయం చేయగా, ఇందులో ల్యూమన్ గ్రే పెర్ల్, మెటా బ్లూ పెర్ల్, వైబ్రంట్ బ్లూ పెర్ల్ మరియు లూసిడ్ లైమ్ మెటాలిక్ ఉన్నాయి.
దీని లోపలికి భాగంలో చూస్తే, డ్యాష్బోర్డ్ పూర్తిగా బ్లాక్ కలర్ లో ఉండే ఇంటీరియర్ థీమ్లో ఇంటీరియర్ కంట్రోల్స్ మరియు యాక్సెంట్స్ తో చూడటానికి కొత్తగా ఉండే రెడ్ కలర్ తో చుట్టబడి ఉంది. ఇంకా చెప్పాలంటే, లెదర్ మరియు రెడ్ స్టిచింగ్, స్పోర్టీ గేర్బాక్స్ లీవర్, అల్యూమినియం లుక్తో కూడిన స్పోర్ట్స్ పెడల్స్ మరియు ఎన్ లైన్-స్పెసిఫిక్ స్పోర్ట్స్ సీట్లతో కూడిన ప్రత్యేకమైన ఎన్ లైన్ స్టీరింగ్ వీల్ను పొందుతుంది. అలాగే,మొబైల్ కనెక్టివిటీతో కూడిన ఇన్ఫోటైన్మెంట్ స్క్రీన్, వైర్లెస్ ఛార్జర్, సింగిల్-పేన్ సన్రూఫ్, డిజిటల్ ఇన్స్ట్రుమెంట్ క్లస్టర్, మల్టీ-కలర్ యాంబియంట్ లైట్ మరియు బోస్-సోర్స్డ్ సౌండ్ సిస్టమ్ వంటి ఇతర ముఖ్యమైన ఫీచర్లు ఇందులో ఉన్నాయి.
కింది భాగంలో, హ్యుందాయ్ ఫేస్లిఫ్టెడ్ i20 ఎన్ లైన్ను ఇప్పటికే ఉన్న మోడల్లో పవర్ట్రెయిన్తో జోడించి ఉండే అవకాశం ఉంది. ఇది 118bhp మరియు 172Nm టార్క్ను ఉత్పత్తిచేసే 1.0-లీటర్ టర్బో-పెట్రోల్ మిల్ తో కొనసాగుతుంది మరియు 6-స్పీడ్ మాన్యువల్ గేర్బాక్స్ లేదా 7-స్పీడ్ డ్యూయల్-క్లచ్ ట్రాన్స్మిషన్ యూనిట్తో జతచేయబడుతుంది.
అనువాదించిన వారు: రాజపుష్ప