ఎక్స్‌క్లూజివ్‌! లీకైన కియా కారెన్స్ కొత్త వేరియంట్ల ధరలు, ఎంత తగ్గాయి అంటే!

ఆరు డీజిల్ వేరియంట్లను పరిచయం చేసిన కియా
ఐఎంటి వేరియంట్స్ తొలగించబడే అవకాశం

ముందుగా మేము ఎక్స్‌క్లూజివ్‌ గా అందించిన వివరాల బట్టి, కియా ఇండియా దేశవ్యాప్తంగా కారెన్స్ ఎంపివి డీజిల్ వేరియంట్లను లాంచ్ చేయడానికి సన్నాహాలు చేస్తోంది. ఇప్పుడు, మేము రాబోయే డీజిల్-పవర్డ్ మాన్యువల్ వేరియంట్ల ధరలకు సంబంధించిన ఎక్స్‌క్లూజివ్‌ వివరాలను కలిగి ఉన్నాము.

ఇప్పుడు కియా కారెన్స్ ప్రీమియం, ప్రీమియం(O), ప్రెస్టీజ్, ప్రెస్టీజ్ప్లస్, లగ్జరీ, లగ్జరీప్లస్ అనే ఆరు కొత్త వేరియంట్లను పొందింది. అదే విధంగా, పైన పేర్కొన్న అన్నీ వేరియంట్లు 7-సీటర్ కాన్ఫిగరేషన్ ని స్టాండర్డ్ గా పొందగా, చివరగా చెప్పిన లగ్జరీప్లస్ 6-సీటర్ కాన్ఫిగరేషన్ తో పొందవచ్చు. ఇంకా చెప్పాలంటే, కారెన్స్ డీజిల్ వేరియంట్ల కొత్త అప్‍డేట్ తో కార్ మేకర్ ఐఎంటి లేదా క్లచ్ లెస్ మాన్యువల్ వేరియంట్లను తొలగించనుంది. ఐఎంటి వెర్షన్స్ కన్నా మాన్యువల్ మరియు ఆటోమేటిక్ ట్రాన్స్‌మిషన్ కార్లకు ఉన్న అధిక డిమాండే దీని వెనుక ఉన్న అసలు కారణంగా మేము భావిస్తున్నాము.

కియా కారెన్స్ కొత్త డీజిల్ వేరియంట్ల వేరియంట్-వారీగా ధరలు కింద ఇవ్వబడ్డాయి:

డీజిల్ వేరియంట్స్	ఎక్స్-షోరూం ధరలు (6ఎంటి)	ఎక్స్-షోరూం ధరలు(6ఐఎంటి)	వ్యత్యాసం
ప్రీమియం	రూ. 12.67 లక్షలు	రూ. 12.65 లక్షలు	రూ. 2,000
ప్రీమియం(O)	రూ. 12.90 లక్షలు	-	కొత్తది
ప్రెస్టీజ్	రూ. 14.00లక్షలు	రూ.13.95 లక్షలు	రూ. 5,000
ప్రెస్టీజ్ప్లస్	రూ. 15.47 లక్షలు	రూ. 15.45 లక్షలు	రూ. 2,000
లగ్జరీ	రూ. 17.15 లక్షలు	రూ.16.95 లక్షలు	రూ. 20,000
లగ్జరీప్లస్	రూ. 18.15 లక్షలు	రూ. 18.15 లక్షలు	-

ఇక్కడ టేబుల్ లో పొందుపరచిన ప్రకారం, ఇప్పుడు కారెన్స్ కొత్త ప్రీమియం (O) డీజిల్ వేరియంట్ ని పొందింది. ఇంకా మాన్యువల్ మరియు ఐఎంటి వేరియంట్ల ధరలలో తేడాను గమనిస్తే, ప్రీమియం మరియు ప్రెస్టీజ్ ప్లస్ వేరియంట్ల మధ్య తేడా రూ.2,000 ఉంది. అదే విధంగా, ప్రెస్టీజ్ మరియు లగ్జరీ వేరియంట్లపై వరుసగా రూ. 5,000 మరియురూ. 20,000 పెరగడంతో ఇవి మరింత ప్రియం కానున్నాయి.

మెకానికల్ గా, కారెన్స్ 1.5-లీటర్ డీజిల్ ఇంజిన్ 6-స్పీడ్ మాన్యువల్ మరియు ఆటోమేటిక్ టార్క్ కన్వర్టర్ యూనిట్ తో జత చేయబడింది. ఈ మోటార్ 113bhp మరియు 250Nm మాక్సిమం టార్కును ఉత్పత్తి చేస్తుంది. అదే విధంగా, ఈ ఎంపివి నేచురల్లీ ఆస్పిరేటెడ్ పెట్రోల్ మరియు టర్బో-పెట్రోల్ అనే రెండు పెట్రోల్ పవర్ ట్రెయిన్లను కూడా పొందింది.

అనువాదించిన వారు: సంజయ్ కుమార్