- இந்தியாவில் i20 ஃபேஸ்லிஃப்டடின் ஆரம்ப விலை ரூ. 6.99 லட்சம்
- ஐந்து வேரியண்ட்ஸ் மற்றும் எட்டு வண்ணங்களில் வழங்கப்படும்
இந்த மாத ஆரம்பத்தில், ஹூண்டாய் தனது ஃபேஸ்லிஃப்டட் i20 ஐ ரூ. 6.99 லட்சம் எக்ஸ்-ஷோரூம் ஆரம்ப விலையில் இந்தியாவில் அறிமுகப்படுத்தியது. இதில் ஒரு இன்ஜின் ஆப்ஷன் நிறுத்தபட்ட நிலையில், ஒரு சில காஸ்மெட்டிக் மற்றும் சில மாற்றங்களை இந்த மாடல் பெற்றுள்ளது. இந்த புதிய மாடலின் வாரண்ட்டி பற்றிய விவரங்களை இதில் பார்போம்.
2023 ஹூண்டாய் i20 மூன்று ஆண்டுகள் அல்லது ஒரு லட்சம் கிலோமீட்டர்ஸ்க்கான ஸ்டாண்டர்ட் உத்தரவாதத்துடன் கிடைக்கிறது. கூடுதலாக, நிறுவனம் நான்கு ஆண்டுகள் வரை நீட்டிக்கப்பட்ட உத்தரவாதத்தை வழங்குகிறது, ஒருங்கிணைந்த உத்தரவாதக் காலத்தை ஏழு வருடங்களாக எடுத்துக்கொள்வது மற்றும் மூன்று வருட ரோடு சைட் அசிஸ்டன்ஸ் (ஆர்எஸ்ஏ) பேக்கேஜும் இதனுடன் வழங்கப்பட உள்ளது.
ஃபேஸ்லிஃப்டட் i20 1.2 லிட்டர், ஃபோர் சிலிண்டர், என்ஏ பெட்ரோல் இன்ஜின் மூலம் இயக்கப்படுகிறது, இது 82bhp மற்றும் 115Nm டோர்க்கை உருவாக்குகிறது. இந்த மோட்டார் ஃபைவ்-ஸ்பீட் மேனுவல் யூனிட் அல்லது ஐவிடீ யூனிட்டுடன் இணைக்கப்பட்டுள்ளது. இந்த புதுப்பித்தலுடன், பிராண்ட் 1.0-லிட்டர் டர்போ-பெட்ரோல் இன்ஜினை நிறுத்தியது, இது இப்போது i20 N லைன் எனப்படும் ப்ரீமியம் ஹேட்ச்பேக்கில் மட்டுமே வழங்கப்படுகிறது. மேலும், புதிய i20 எட்டு வண்ணங்கள் மற்றும் ஐந்து வேரியண்ட்ஸில் கிடைக்கிறது.
மொழிபெயர்த்தவர் : பவித்ரா மதியழகன்