எலக்ட்ரிக் வாகனங்களின் எண்ணிக்கை அதிகரித்து வருவதால், அவற்றின் டிரைவிங் ரேஞ்ச் மிக முக்கிய காரணிகளில் ஒன்று. எனவே, இந்த கட்டுரையில் எம்ஜி காமெட் இவி மற்றும் டாடா டியாகோ இவி ஆகியவற்றுக்கு இடையேயான உண்மையான டிரைவிங் ரேஞ்சை உங்களுக்குச் சொல்லப் போகிறோம்.
எம்ஜி காமெட் இவி
காமெட் இவி என்பது சீனாவை தளமாகக் கொண்ட பிரிட்டிஷ் கார் மார்க் எம்ஜி மோட்டார்ஸ் வழங்கும் இரண்டாவது எலக்ட்ரிக் மாடலாகும். இது ஏப்ரல் 2023 இல் வெளியிடப்பட்டது மற்றும் இது பேஸ், ப்ளே மற்றும் ப்ளஷ் ஆகிய மூன்று வேரியண்ட்ஸில் கிடைக்கின்றன, இதன் விலை ரூ. 7.98 லட்சத்தில் இருந்து ரூ. 10.63 லட்சம் வரை செல்லுகின்றன (இரண்டு விலையும், எக்ஸ்-ஷோரூம்).
காமெட் இவி ஆனது 17.3kWh பேட்டரி பேக் மூலம் இயக்கப்படுகிறது, இந்த மோட்டார் 41bhp மற்றும் 110Nm டோர்க்கை உருவாக்க உதவுகிறது. இது ஒருமுறை முழுமையாக சார்ஜ் செய்தால் 230 கிலோமீட்டர் தூரம் வரை செல்லக்கூடியது மற்றும் 3.3kW சார்ஜரைப் பயன்படுத்தி வெறும் 7 மணி நேரத்தில் 0-100% வரை இதை சார்ஜ் செய்யலாம்.
இப்போது, நாங்கள் முன்பே தீர்மானிக்கப்பட்ட பாதையில் இந்த காம்பேக்ட் இவியை டெஸ்ட் செய்தபோது, காமெட் இவி ஆனது முழுவதுமாக சார்ஜ் செய்யப்பட்ட பேட்டரியுடன் 191 கிலோமீட்டர் டிரைவிங் ரேஞ்சை வழங்கியது.
டாடா டியாகோ இவி
தற்போது, டியாகோ இவி டாடா வரிசையில் மிகவும் வசதியான எலக்ட்ரிக் கார்ஸில் ஒன்றாக உள்ளது. இது XE, XT, XZ ப்ளஸ் மற்றும் XZ ப்ளஸ் டெக் வேரியண்ட்ஸில் வழங்கப்பட்டு வருகின்றன, இந்த காரின் விலை ரூ. 8.69 லட்சம் (எக்ஸ்-ஷோரூம்) மற்றும் டாப்-ஸ்பெக் வேரியண்ட்டின் விலை ரூ. 12.04 லட்சம் (எக்ஸ்-ஷோரூம்).
டியாகோ இவி இரண்டு பேட்டரி விருப்பங்களுடன் கிடைக்கிறது. அவை 19.2kWh மற்றும் 24kWh, இது எம்ஐடிசி-சான்றளிக்கப்பட்ட டிரைவிங் ரேஞ்சில் 250 கிலோமீட்டர் மற்றும் 315 கிலோமீட்டர்ரை வழங்குகிறது. முந்தையது 60bhp மற்றும் 110Nm டோர்க்கை உற்பத்தி செய்யும் போது, பிந்தையது 74bhp மற்றும் 114Nm டோர்க்கை உருவாக்குகிறது. 7.2kW டிசி ஃபாஸ்ட் சார்ஜரைப் பயன்படுத்தி, டியாகோ இவி வெறும் 57 நிமிடங்களில் 10 முதல் 80 சதவீதம் வரை சார்ஜ் செய்யப்படலாம்.
ரியல் வேர்ல்ட் டிரைவிங் ரேஞ்சை பொறுத்தவரை, நாங்கள் டெஸ்ட் செய்த காரில் 24kWh பேட்டரி பேக் பொருத்தப்பட்டிருந்தது. அதை 100% சார்ஜ் செய்த பிறகு, ட்ரிப் மீட்டரை ரிசெட் செய்து, அதன் பேட்டரி முழுவது முடியும் வரை நாங்கள் எங்கள் தீர்மானிக்கப்பட்ட பாதையில் ஓட்டினோம். பேட்டரி முழுவதுமாக சார்ஜ் செய்யப்பட்டவுடன், இந்த எலக்ட்ரிக் ஹேட்ச்பேக் சுமார் 214 கி.மீ தூரத்தை கடந்தது.
மொழிபெயர்த்தவர்: ஐசக் தீபன்
