- ரூ. 7.99 லட்சம் ஆரம்ப விலையில் கிடைக்கின்றன
- இது மீடியம் மற்றும் லாங்-ரேஞ்ச் வெர்ஷனில் வழங்கப்படுகின்றன
டியாகோ இவி மற்றும் நெக்ஸான் இவி ஆகியவற்றின் விலையை டாடா மோட்டார்ஸ் மாற்றியுள்ளது. டியாகோ இவியின் விலையில் ரூ. 70,000 வரை குறைக்கப்பட்டுள்ளது. இதன் மூலம், இந்த ஃபுல்லி எலக்ட்ரிக் ஹேட்ச்பேக்கின் எக்ஸ்-ஷோரூம் விலை இப்போது ரூ. 7.99 லட்சத்தில் இருந்து தொடங்குகிறது.
டாடா டியாகோ இவி ஆனது XE, XT, XZ ப்ளஸ் மற்றும் XZ ப்ளஸ் டெக் லக்ஸ் ஆகிய நான்கு வேரியன்ட்ஸில் மீடியம் மற்றும் லாங்-ரேஞ்சின் இரண்டு பேட்டரி பேக் விருப்பங்களுடன் கிடைக்கிறது. இதன் மீடியம் ரேஞ்சில் 19.2kWh பேட்டரி பேக் உள்ளது, இது 250 கிமீ மைலேஜை வழங்கும் என்று நிறுவனம் கூறுகிறது. மறுபுறம், லாங்-ரேஞ்சில் 24kWh பேட்டரி பேக் உடன் கிடைக்கிறது, இது ஒருமுறை முழு சார்ஜ் செய்தால் 315 கிமீ வரை செல்லும்.
கடந்த வாரம், வாகன உற்பத்தியாளர் டியாகோ இவி’யின் தேர்ந்தெடுக்கப்பட்ட வேரியன்ட்ஸில் ரூ. 5,000 வரை விலையை உயர்த்தியது. தற்போது, டாடா டியாகோ இந்தியாவில் சிறிய எலக்ட்ரிக் காரின் பிரிவில் சிட்ரோன் eC3 மற்றும் எம்ஜி காமெட் இவி உடன் போட்டியிடுகிறது.
மொழிபெயர்த்தவர்: ஐசக் தீபன்