புதிய கியா சோனெட் ஃபேஸ்லிஃப்ட்டின் முன்பதிவுகள் தொடங்கபட்டன!

• ஏழு வேரியன்ட்ஸில் வழங்கப்படும்
• டெலிவரிகள் ஜனவரி 2024 இல் தொடங்கும்

கியா இந்தியா தனது புதிய சோனெட் ஃபேஸ்லிஃப்ட்டின் முன்பதிவுகளை அதிகாரப்பூர்வமாகத் தொடங்கியுள்ளது. புதுப்பிக்கப்பட்ட இந்த காம்பாக்ட் எஸ்யுவியை ரூ. 25,000 டோக்கன் தொகை செலுத்தி ஆன்-லைன் அல்லது டீலர்ஷிப்களில் முன்பதிவு செய்யலாம்.

புதிய கியா சோனெட் ஃபேஸ்லிஃப்ட் HTE, HTK, HTK+, HTX, HTX+, GTX மற்றும் X-லைன் ஆகிய ஏழு வேரியன்ட்ஸில் கிடைக்கிறது. அம்சங்களைப் பொறுத்தவரை, புதுப்பிக்கப்பட்ட சோனெட் பெரிய இன்ஃபோடெயின்மென்ட் சிஸ்டம், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே, ஃபுல்லி டிஜிட்டல் இன்ஸ்ட்ரூமென்ட் க்ளஸ்டர், வயர்லெஸ் சார்ஜர், போஸ் சவுண்ட் சிஸ்டம், ஆட்டோமேட்டிக் க்ளைமேட் கன்ட்ரோல், ஆம்பியன்ட் லைட்டிங், மற்றும் 360-டிகிரி சரவுண்ட் கேமரா, லெவல் 1 ஏடாஸ் சூட், ப்ளைன்ட் ஸ்பாட் மானிட்டர் சிஸ்டம், ஆறு ஏர்பேக்குகள், பவர்ட் டிரைவர் சீட் மற்றும் வென்டிலேடெட் ஃப்ரண்ட் சீட்ஸ் போன்ற அம்சங்களுடன் வருகிறது.

புதிய சோனெட் அதே பவர்ட்ரெயின் ஆப்ஷனில் தொடர்ந்து இயக்கப்படுகிறது. இது 1.2 லிட்டர் என்‌ஏ பெட்ரோல், 1.0 லிட்டர் டர்போ பெட்ரோல் மற்றும் 1.5 லிட்டர் டீசல் இன்ஜின் ஆகியவை அடங்கும். டிரான்ஸ்மிஷன் விருப்பங்களில் ஃபைவ்-ஸ்பீட் மேனுவல், சிக்ஸ்-ஸ்பீட் மேனுவல், சிக்ஸ்-ஸ்பீட் ஐ‌எம்‌டீ, ஆட்டோமேட்டிக் டோர்க் கன்வர்டர், மற்றும் செவன்-ஸ்பீட் டி‌சி‌டீ கியர்பாக்ஸுடம் வருகிறது.

மொழிபெயர்த்தவர்: ஐசக் தீபன்