- இதன் இன்ஜினில் எந்த மாற்றமும் இருக்காது
- பல அம்ச மேம்படுத்தல்களைப் பெற வாய்புள்ளது
ஜீப் இந்தியா சமீபத்தில் தனது மெரிடியன் ஃபேஸ்லிஃப்ட்டின் லான்ச் விவரங்கள் வெளியிட்டு அனைவரையும் ஆச்சரியத்தில் ஆழ்த்தியுள்ளது. ஆட்டோமேக்கர் வரவிருக்கும் புதிய ரேங்லரை சில தினங்களாக டீஸ் செய்து வருகிறது, ஆனால் மெரிடியன் ஃபேஸ்லிஃப்ட் பற்றி இன்னும் எதுவும் கூறவில்லை. இந்த த்ரீ-ரோ எஸ்யுவி ரேங்லர் அறிமுகப்படுத்தப்பட்டவுடன் 2024 புதுப்பிப்பைப் பெறும் என்பதை நாங்கள் அறிந்திருக்கிறோம், அதாவது இது ரேங்லருக்குப் பிறகு அறிமுகப்படுத்தப்படலாம்.
ஜீப் மெரிடியன் முதன்முதலில் 2022 இல் நாட்டில் அறிமுகப்படுத்தப்பட்டது மற்றும் அவ்வப்போது சிறிய புதுப்பிப்புகளையும் வெவ்வேறு பதிப்புகளையும் பெற்றுள்ளது. இப்போது 2024 புதுப்பித்தலுடன், காம்பஸ்-அடிப்படையிலான எஸ்யுவி எக்ஸ்டீரியர் மற்றும் இன்டீரியரில் புதிய அம்சங்களுடன் சில காஸ்மெட்டிக் அப்டேட்ஸ் பெறும் என்று எதிர்பார்க்கிறோம்.
மெரிடியன் ஃபேஸ்லிஃப்ட்டில் மறுவடிவமைப்பு செய்யப்பட்ட ஃப்ரண்ட் மற்றும் ரியர் பம்ப்பர்கள், புதுப்பிக்கப்பட்ட கிரில், மறுவடிவமைப்பு செய்யப்பட்ட அலோய் வீல்ஸ் மற்றும் புதிய வண்ண விருப்பங்களைப் பெறும் என்று எதிர்பார்க்கப்படுகிறது. இந்த எஸ்யுவியின் நீளம் மற்றும் அகலத்தில் எந்த மாற்றமும் இருக்காது என்பதை உங்களுக்குத் தெரிவிக்கிறோம்.
மெரிடியனின் தற்போதைய மாடல் 10.1 இன்ச் இன்ஃபோடெயின்மென்ட் ஸ்கிரீன், வயர்லெஸ் ஸ்மார்ட்ஃபோன் கனெக்ட், டூயல் ஜோன் க்ளைமேட் கன்ட்ரோல், ஃப்ரண்ட் வென்டிலேடெட் மற்றும் பவர்ட் சீட்ஸ், டிஜிட்டல் இன்ஸ்ட்ரூமென்ட் பேனல் மற்றும் 360 டிகிரி கேமரா போன்ற அம்சங்களைக் கொண்டுள்ளது. இருப்பினும், இந்த புதுப்பித்தலுக்குப் பிறகு, எஸ்யுவி ஆனது லெவல் 2 ஏடாஸ் ஐ பெறும் என்று எதிர்பார்க்கப்படுகிறது, இது ஒரு புதிய யுஐ கொண்ட பெரிய 12.3-இன்ச் இன்ஃபோடெயின்மென்ட் ஸ்கிரீன் மற்றும் ரியர் விண்டோ ப்ளைன்ட்ஸுடன் வழங்கப்படலாம்.
இந்த புதிய வெர்ஷன் ஜீப் மெரிடியனின் இன்ஜின் அல்லது கியர்பாக்ஸ் விருப்பங்களில் எந்த மாற்றமும் செய்யப்படாது என எதிர்பார்க்கப்படுகிறது. மெரிடியன் ஃபேஸ்லிஃப்ட், தற்போதுள்ள மாடலில் உள்ள அதே 2.0-லிட்டர் டீசல் இன்ஜின்னை தொடர்ந்து எடுத்துசெல்லும், இது சிக்ஸ்-ஸ்பீட் மேனுவல் மற்றும் நைன்-ஸ்பீட் ஆட்டோமேட்டிக் டோர்க் கன்வர்டர் யூனிட்டுடன் இணைக்கப்பட்டுள்ளது. கூடுதலாக, இது 4WD கான்ஃபிகரேஷன்ஸையும் பெறுகிறது, ஆட்டோமேட்டிக் வேரியன்ட்ஸ்க்கு மட்டுமே.
மொழிபெயர்த்தவர்: ஐசக் தீபன்
