- லான்ச்க்கு முன்பே வேரியண்ட்ஸின் விவரங்கள் வெளிவந்தன
- புதிய யுஐ உடன் 10.25-இன்ச் டச்ஸ்கிரீன் இன்ஃபோடெயின்மென்ட் சிஸ்டத்துடன் வழங்கப்படும்.
டாடா மோட்டார்ஸ் நெக்ஸான் ஃபேஸ்லிஃப்டை வரும் வாரங்களில் வெளியிடும். அதன் அதிகாரப்பூர்வ அறிமுகத்திற்கு முன்னதாக, வரவிருக்கும் இந்த எஸ்யுவியின் வேரியண்ட் வாரியான அம்சங்களை தெரிந்துகொண்டோம். மேலும், இதில் 360-டிகிரி சரவுண்ட் கேமரா கொண்டிருக்கும் என்பதை சமீபத்திய ஸ்பை ஷாட்ஸில் உறுதிப்படுத்தியுள்ளன.
டாடா நெக்ஸான் ஃபேஸ்லிஃப்ட் இன்ஃபோடெயின்மென்ட் சிஸ்டம்
படங்களில் காணப்படுவது போல், நெக்ஸான் புதிய யுஐ உடன் கூடிய பெரிய 10.25-இன்ச் டச்ஸ்கிரீன் இன்ஃபோடெயின்மென்ட் சிஸ்டத்துடன் வருகிறது. மேலும், மாடலின் டாப் வேரியண்ட்டில் 3D வியூ உடன் கூடிய 360 டிகிரி சரவுண்ட் கேமரா வழங்கப்படும்.
இது தவிர, நெக்ஸான் ஃபேஸ்லிஃப்ட்டின் கேபினில் ஃபுல்லி கலர் டிஜிட்டல் இன்ஸ்ட்ரூமென்ட் க்ளஸ்டர், ஆம்பியன்ட் லைட்டிங், இல்லுமினேட்டட் டாடா லோகோவுடன் கூடிய டூ-ஸ்போக் ஸ்டீயரிங் வீல், ஆட்டோமேட்டிக் க்ளைமேட் கண்ட்ரோல், க்ரூஸ் கண்ட்ரோல் மற்றும் ஆட்டோமேட்டிக் ஹெட்லேம்ப்ஸ் போன்ற பல அம்சங்கள் வழங்கப்படும். அதன் மற்ற அம்சங்களைப் பற்றி பேசுகையில், இதில் ரியர் ஏசி வென்ட்ஸ், வயர்லெஸ் சார்ஜர், ஏர் ப்யூரிஃபையர், ரியர் வாஷருடன் வைப்பர், ரியர் டிஃபாக்கர், கீலெஸ் என்ட்ரி மற்றும் வென்டிலேடெட் ஃப்ரண்ட் சீட்ஸைக் கொண்டிருக்கும்.
மொழிபெயர்த்தவர்: ஐசக் தீபன்
