- పెట్రోల్ వేరియంట్లపై అధికంగా ఉన్న వెయిటింగ్ పీరియడ్
- ఇటీవలే గ్లోబల్ ఎన్ క్యాప్ క్రాష్ టెస్టులో 5-స్టార్ రేటింగ్ పొందిన నెక్సాన్
టాటా మోటార్స్ ఇండియాలో అప్‍డేటెడ్ నెక్సాన్ ని లాంచ్ చేసి ఐదు నెలలు అవుతుంది. అప్పటినుంచి ఈ 5-సీటర్ ఎస్‍యూవీ దీని పెర్ఫార్మెన్స్ మరియు ఫీచర్స్ కారణంగా దాని సెగ్మెంట్లో ఆధిపత్యాన్ని ప్రదర్శిస్తూ ఉంది. దీంతో, ఇండియన్ మార్కెట్ కి అవసరాలకు అనుగుణంగా ఆటోమేకర్ వీటిని ఉత్పత్తి చేయడం కష్టంగా మారడంతో, ఫలితంగా దీనిపై కొంత వరకు వెయిటింగ్ పీరియడ్ ఉంది.
ప్రస్తుతం, నెక్సాన్ పెట్రోల్ వేరియంట్లపై బుకింగ్ చేసిన తేదీ నుంచి 2 నెలల వరకు అధిక వెయిటింగ్ పీరియడ్ ఉంది. మరోవైపు, మారుతి సుజుకి బ్రెజాతో గట్టి పోటీని ఎదుర్కొంటున్న దీనిని డీజిల్ వేరియంట్లలో కస్టమర్స్ పొందాలనుకుంటే బుకింగ్ చేసిన తేదీ నుంచి 6 వారాల వరకు వేచి ఉండాల్సి ఉంటుంది. అయితే, పైన పేర్కొన్న వెయిటింగ్ పీరియడ్ ప్రాంతం, డీలర్‌షిప్, వేరియంట్, కలర్, గేర్‌బాక్స్ ఆప్షన్ మరియు ఇతర అంశాలను బట్టి మారే అవకాశం ఉంది.
ఇతర వార్తలలో చూస్తే, నెక్సాన్ లేటెస్ట్ గా గ్లోబల్ ఎన్ క్యాప్ క్రాష్ టెస్టులో 5-స్టార్ రేటింగ్ పొందింది. మిడ్-సైజ్ ఎస్‍యూవీ టాటా నెక్సాన్ అడల్ట్ మరియు చైల్డ్ ఆక్యుపెన్సీ ప్రొటెక్షన్ లో వరుసగా 34 పాయింట్లకు గాను 32.22 పాయింట్లు మరియు 49 పాయింట్లకు గాను 44.52 పాయింట్లు పొందింది. టెస్టింగ్ మోడల్‌లో ఫ్రంటల్ ఎయిర్‌బ్యాగ్స్, బెల్ట్ ప్రిటెన్షనర్, బెల్ట్ లోడ్ లిమిటర్, సైడ్ హెడ్ కర్టెన్ బ్యాగ్, సీట్‌బెల్ట్ రిమైండర్ మరియు ఎలక్ట్రానిక్ స్టెబిలిటీ కంట్రోల్ ఉన్నాయి.
అనువాదించిన వారు: సంజయ్ కుమార్
