- అందుబాటులోకి రానున్న ‘కూల్ ఎల్లో రెవ్’ కాన్సెప్ట్
- టోక్యో ఆటో సెలోన్-2024లో అరంగేట్రం
సుజుకి తాజాగా తన సొంత దేశమైన జపాన్ లో న్యూ-జెన్ స్విఫ్ట్ ని లాంచ్ చేసింది. ప్రపంచవ్యాప్తంగా ఈ మోడల్ 3 వేరియంట్స్ మరియు 13 కలర్ ఆప్షన్లలో అందించబడుతుంది. ఈ అప్‍డేటెడ్ నెక్స్ట్-జెన్ స్విఫ్ట్ ఇండియాలో అరంగేట్రం చేయాల్సి ఉంది మరియు ఇదే మోడల్ యొక్క టెస్ట్ మ్యూల్స్ దేశంలో టెస్టింగ్ చేస్తూ కనిపించాయి. ఇప్పుడు, ఈ ఆటోమేకర్ సుజుకి స్విఫ్ట్ స్పోర్ట్స్ వెర్షన్ మోడల్ ని టోక్యో ఆటో సెలోన్-2024లో ప్రదర్శించడానికి సిద్ధంగా ఉంది.
అయితే, ఇప్పుడు ఈ హ్యాచ్‌బ్యాక్ యొక్క కొత్త కాన్సెప్ట్‌ను 'కూల్ ఎల్లో రెవ్' అని పిలుస్తున్నారు. ఇది చూడడానికి మరింత ఆకర్షణీయంగా, చూడగానే ఆకట్టుకునే విధంగా మరియు స్పోర్టీగా కనిపించేలా దాని ఎక్స్‌టీరియర్ లో చాలా మార్పులు చేసింది. దీంతో ఇది మరింత స్టైలిష్ గా కనిపించనుంది. ఇక్కడ ఫోటోలో చూస్తే, స్విఫ్ట్ కొత్త ఎడిషన్ డ్యూయల్-టోన్ ఎల్లో కలర్ ఆప్షన్ ను కలిగి ఉంది.
ఇంకా మనకు కనిపించే ఇతర అంశాలలో బ్లాక్డ్-అవుట్ ఓఆర్‌విఎం మరియు పిల్లర్స్, డోర్ ప్యానెల్‌లపై డీకాల్స్ మరియు గ్రాఫిక్స్, స్మోక్డ్ ఎల్ఈడీ హెడ్‌ల్యాంప్స్ మరియు టెయిల్‌లైట్స్, గ్లోస్ బ్లాక్ కలర్ ఫ్రంట్ స్కిడ్ ప్లేట్ మరియు బ్లాక్డ్-అవుట్ అల్లాయ్ వీల్స్ ఉన్నాయి.
మెకానికల్ గా రాబోయే సుజుకి స్విఫ్ట్ ఇంతకు ముందు లాగానే 1.2-లీటర్ పెట్రోల్ ఇంజిన్ తో రానుంది. కానీ, ఈ ఆటోమేకర్ స్విఫ్ట్ యొక్క మాడిఫై వెర్షన్ లాంచ్ చేస్తుందా అనే దానిపై ఇప్పటివరకు స్పష్టమైన సమాచారం లేదు. మొత్తానికి ఈ అప్‍డేటెడ్ న్యూ-జెన్ స్విఫ్ట్ ఇండియాలో 2024 ప్రారంభంలో ఏ సమయంలోనైనా వచ్చే అవకాశం ఉంది.
అనువాదించిన వారు: సంజయ్ కుమార్
