- ప్రస్తుత ఇటరేషన్ నుంచి తీసుకోబడిన పవర్ ట్రెయిన్ ఆప్షన్స్
- భారీ ఇన్ఫోటైన్మెంట్, డిజిటల్ డ్రైవర్ డిస్ ప్లే, సన్ రూఫ్, మరియు మరిన్ని ఫీచర్లతో వస్తున్న 5-డోర్ థార్
మహీంద్రా ఇండియా దేశమంతటా ఎంతగానో ఎదురుచూస్తున్న 5-డోర్ థార్ మోడల్ లాంచ్ టైంలైన్ వివరాలను వెల్లడించింది. 15 ఆగస్టు, 2024న ఈ లైఫ్ స్టైల్ ఆఫ్-రోడర్ ని మహీంద్రా కంపెనీ ఇండియాలో లాంచ్ చేయడానికి కసరత్తులు చేస్తుంది. ఇంకా, ఈ ఆటోమేకర్ ఎప్పుడు చూసినా స్వాతంత్ర్య దినోత్సవం నాడు ప్రకటనలు, మోడల్స్ వివరాలు, మరియు లాంచ్ లకు సంబంధించిన ఏదో ఒక విషయాన్ని వెల్లడిస్తూనే ఉంటుంది.
రాబోయే 5-డోర్ థార్ లో 3-డోర్ వెర్షన్లో ఉపయోగించిన ఒకే సిల్హౌట్ ని మహీంద్రా కొనసాగించనుంది. కానీ, ఇందులో లాంగ్ వీల్ బేస్ మరియు రెండు అదనపు డోర్లు ఉండనున్నాయి. ముందుగా డిజైన్ గురించి చెప్పాలంటే, ఈ మోడల్ లో రివైజ్డ్ ఫ్రంట్ మరియు రియర్ బంపర్స్, ట్వీక్డ్ ఫ్రంట్ గ్రిల్, డీఆర్ఎల్స్ తో సర్క్యులర్ ఎల్ఈడీ హెడ్ ల్యాంప్స్, ఎల్ఈడీ ఫాగ్ ల్యాంప్స్, పిల్లర్-మౌంటెడ్ రియర్ డోర్ హ్యండిల్స్, మరియు భారీ 19-ఇంచ్ రీడిజైన్డ్ అల్లాయ్ వీల్స్ ని పొందనుంది. ఇంకా చెప్పాలంటే, ఈ 5-డోర్ ఆఫ్-రోడర్ ఎలెక్ట్రికల్లీ అడ్జస్టబుల్ సింగిల్-పేన్ సన్ రూఫ్, ఫ్రంట్ కెమెరా, మరియు ఫ్రంట్ పార్కింగ్ సెన్సార్స్ వంటి బెనిఫిట్స్ ఉన్నాయి.
ఇక ఇంటీరియర్ విషయానికి వస్తే, ప్రస్తుత వెర్షన్ తో పోలిస్తే 5-డోర్ థార్ అద్బుతమైన క్యాబిన్ సెటప్ ని పొందనుంది. ఇందులో పెద్ద ఇన్ఫోటైన్మెంట్ సిస్టమ్, వైర్లెస్ స్మార్ట్ఫోన్ కనెక్టివిటీ, డిజిటల్ ఇన్స్ట్రుమెంట్ క్లస్టర్, కొత్త స్టీరింగ్ వీల్, రీడిజైన్ చేయబడిన సెంటర్ కన్సోల్, ఆటో-డిమ్మింగ్ ఐఆర్విఎం మరియు కొత్త సీట్ అప్హోల్స్టరీ వంటి వాటిని పొందనుంది.
బానెట్ కింద, 5-డోర్ థార్ లో 3-డోర్ వెర్షన్లో ఉపయోగించిన ఇంజిన్లనే మహీంద్రా ఇందులో కూడా కొనసాగించనుంది. అలాగే ప్రస్తుత ఇటరేషన్లో ఉన్న పవర్ ట్రెయిన్ ఆప్షన్లే ఇందులో కూడా ఉండనున్నాయి. లాంచ్ అయిన తర్వాత, మహీంద్రా 5-డోర్ లైఫ్ స్టైల్ ఆఫ్-రోడర్ సెగ్మెంట్లో మారుతి జిమ్నీ మరియు రాబోయే 5-డోర్ ఫోర్స్ గూర్ఖా వంటి మోడల్స్ తో పోటీపడనుంది.
అనువాదించిన వారు: సంజయ్ కుమార్