- రెండు వేరియంట్లలో అందించబడుతున్న కొత్త మోడల్
- మెకానికల్ గా ఎలాంటి మార్పులు లేకుండా వచ్చిన ఎలివేట్
హోండా కంపెనీ ఇండియాలో తయారైన ఎలివేట్ ఎస్‍యూవీని సౌత్ ఆఫ్రికాలో 369,900 ర్యాండ్స్ (ఇండియన్ కరెన్సీలో రూ.15.92 లక్షలు) ప్రారంభ ధరతో లాంచ్ అయింది. మిడ్-సైజ్ ఎస్‍యూవీ కంఫర్ట్ మరియు ఎలిగెన్స్ అనే రెండు వేరియంట్లలో అందించబడుతుంది. ఇండియాలో లభిస్తున్న పవర్ ట్రెయిన్ నే ఇక్కడ కూడా కొనసాగిస్తుంది.
మార్పుల పరంగా, ఎలివేట్ యొక్క ఎక్స్‌టీరియర్ ఒకేలా ఉంది. ఇందులో పొడవుగా మరియు రిడ్జెస్ తో కూడిన బానెట్, హెడ్ ల్యాంప్స్ లో ఇంటిగ్రేటెడ్ ఎల్ఈడీ డీఆర్ఎల్స్, భారీగా కనిపించే బ్లాక్డ్-అవుట్ గ్రిల్, ఫాగ్ ల్యాంప్స్, ఫంక్షనల్ రూఫ్ రెయిల్స్, మరియు ఎలక్ట్రికల్లీ అడ్జస్టబుల్ సింగిల్-పేన్ సన్ రూఫ్ వంటి ఫీచర్స్ ఉన్నాయి. ఇతర డిజైన్ అంశాలలో ఎల్-షేప్డ్ ఎల్ఈడీటెయిల్‌లైట్స్, రియర్ స్పాయిలర్, షార్క్ ఫిన్ యాంటెన్నా, క్రోమ్-ఫినిష్డ్ డోర్ హ్యాండిల్స్, 17-ఇంచ్ డ్యూయల్-టోన్ అల్లాయ్ వీల్స్ మరియు చుట్టూ బ్లాక్ క్లాడింగ్ ఉన్నాయి.
కలర్ ఆప్షన్ల పరంగా చూస్తే, హోండా ఎలివేట్‌ను లూనార్ సిల్వర్, మీటియోరాయిడ్ గ్రే, రేడియంట్ రెడ్, ఫీనిక్స్ ఆరెంజ్, ప్లాటినం వైట్ మరియు అబ్సిడియన్ బ్లూతో సహా ఆరు ఎక్స్‌టీరియర్ పెయింట్ కలర్స్ లో పొందవచ్చు. ఇంతకు ముందు ఉన్న మూడు మెటాలిక్-ఆధారంగా వచ్చినవి అయితే, తరువాతి మూడింటిని పెర్ల్ ఫినిష్ తో పొందవచ్చు.
ఇంటీరియర్స్ పరంగా సౌత్ ఆఫ్రికన్-స్పెక్ ఎలివేట్ లో, హోండా కంపెనీ బ్లాక్-కలర్డ్ లెదరెట్ సీట్లతో క్యాబిన్, స్టీరింగ్ వీల్, మరియు గేర్ లీవర్ లకు కొద్దిపాటి మార్పులను చేసింది. ఫీచర్ల పరంగా, ఈ ఎస్‍యూవీ 8-ఇంచ్ టచ్ స్క్రీన్ ఇన్ఫోటైన్మెంట్ సిస్టం (ఇండియా వెర్షన్లో 10.25-ఇంచ్), ఆరు స్పీకర్లు, నాలుగు పవర్ విండోలు, ఆటోమేటిక్ క్లైమేట్ కంట్రోల్, డిజిటల్ ఇన్‌స్ట్రుమెంట్ క్లస్టర్, వైర్‌లెస్ ఛార్జర్ మరియు ఆరు ఎయిర్‌బ్యాగ్స్ తో వచ్చింది. ముఖ్యంగా, ఈ ఎలివేట్ లో ఇండియాలో అందించబడిన ఏడీఏఎస్(అడాస్) టెక్ మిస్ అయ్యింది.
స్పెసిఫికేషన్ల పరంగా, ఈ హోండా ఎలివేట్ ఇంతకు ముందు ఉన్న 1.5-లీటర్ నేచురల్లీ ఆస్పిరేటేడ్ పెట్రోల్ ఇంజిన్ నే సౌత్ ఆఫ్రికా మార్కెట్లో కూడా కొనసాగిస్తుంది. ఈ మోటార్ 6-స్పీడ్ మాన్యువల్ మరియు సివిటి గేర్ బాక్సుతో జతచేయబడి 119bhp పవర్ మరియు 145Nm మాక్సిమం టార్కును ఉత్పత్తి చేస్తుంది. ఆసక్తికరమైన విషయం ఏంటి అంటే, హోండా కంపెనీ ఇండియాలో అందించిన 3 సంవత్సరాలు మరియు అన్-లిమిటెడ్ కిలోమీటర్ల కంటే ఎక్కువగా సౌత్ ఆఫ్రికాలో 5 సంవత్సరాల స్టాండర్డ్ వారంటీ లేదా 2,00,000 కిలోమీటర్ల ఆఫర్ ను అందిస్తుంది.
అనువాదించిన వారు: సంజయ్ కుమార్
