- 4, 7-సీటర్ కాన్ఫిగరేషన్ లో పొందే అవకాశం
- 2.5-లీటర్ పెట్రోల్-హైబ్రిడ్ మోటారుతో వచ్చిన LM 350h
లెక్సస్ ఇండియా మొత్తానికి LM 350h కారును దేశవ్యాప్తంగా లాంచ్ చేసింది, దీని బుకింగ్స్ గత సంవత్సరం ఆగస్టులో ప్రారంభించబడ్డాయి. LM 350h మోడల్ 7-సీటర్ వేరియంట్ ఎక్స్ షోరూం ధర రూ.2 కోట్లు ఉండగా, 4-సీటర్ వేరియంట్ అల్ట్రా లగ్జరీ మోడల్ ఎక్స్ షోరూం ధర రూ.2.5 కోట్లుగా ఉంది. దీని టాప్ స్పీడ్ గంటకు 190 కిలోమీటర్లు ఉండగా, ఇది కేవలం 9 సెకన్లలో 0-100కెఎంపిహెచ్ వేగాన్ని చాలా ఈజీగా అందుకోగలదు.
ఫీచర్ల పరంగా, LM 350h కారు రిమూవ్ చేయడానికి వీలుగా ఉండే రియర్ మల్టీ-ఆపరేషన్ ప్యానెల్ తో 48-ఇంచ్ అల్ట్రా వైడ్ స్క్రీన్, అడ్వాన్స్డ్ ఇన్ ఫ్రా రెడ్ కిరణాల మ్యాట్రిక్స్ సెన్సార్ ఎయిర్ కండిషనింగ్ సిస్టం, ఎయిర్ లైన్-స్టైల్ రిక్లైనర్ సీట్స్, మరియు హీటెడ్ ఆర్మ్ రెస్ట్ మరియు రెండవ వరుసలో ఒట్టోమన్ సీట్స్ కోసం ఫుట్ రెస్ట్ వంటి అద్బుతమైన ఫీచర్లతో వచ్చింది.
లెక్సస్ LM 350h 2.5-లీటర్, 4-సిలిండర్, పెట్రోల్-హైబ్రిడ్ ఇంజిన్ తో వచ్చింది. ఈ మోటార్ పెట్రోల్-హైబ్రిడ్ లో 190bhp మరియు 240Nm టార్కును ఉత్పత్తి చేస్తూ ఈ-ఫోర్ ఆల్-వీల్ డ్రైవ్ టెక్నాలజీ ద్వారా కారు నాలుగు వీల్స్ కి పవర్ ని అందిస్తుంది.
ఈ సందర్భంగా లెక్సస్ ఇండియా ఎగ్జిక్యూటివ్ వైస్ ప్రెసిడెంట్ తన్మయ్ భట్టాచార్య మాట్లాడుతూ, “అల్ట్రా-లగ్జరీ మొబిలిటీ రంగంలోకి మేము మా ప్రయాణాన్ని ప్రారంభించినప్పుడు, ఇండియాలో సరికొత్త లెక్సస్ LM అరంగేట్రం మాకు కీలకంగా మారింది. గత సంవత్సరం దీని బుకింగ్స్ ప్రారంభాన్ని ప్రకటించిన తర్వాత, కొత్త లెక్సస్ LM దేశంలో విజయవంతంగా మారింది, ఇండియా అల్ట్రా హెచ్ ఎన్ ఐలకు నిలయం అని మా నమ్మకానికి మరింత బలాన్ని చేకూర్చింది.” అని పేర్కొన్నారు.
అనువాదించిన వారు: సంజయ్ కుమార్