- స్టాండర్డ్ పెట్రోల్ వేరియంట్ కంటే 3 లక్షలు ఎక్కువగా ఉన్న షాడో ఎడిషన్
- లిమిటెడ్ ఎడిషన్ మోడల్‌గా అందించబడిన 220i M స్పోర్ట్ షాడో ఎడిషన్
బిఎండబ్లూ ఇండియా 2 సిరీస్ గ్రాన్ కూపే M స్పోర్ట్ షాడో ఎడిషన్ ని దేశావ్యాప్తంగా రూ. 46.9 లక్షల ఎక్స్ షోరూం ధరతో లాంచ్ చేసింది. పరిమిత సంఖ్యలో ఈ మోడల్ అందుబాటులోకి రాగా, స్టాండర్డ్ పెట్రోల్ వేరియంట్ తో పోలిస్తే దీని ధర రూ. 3 లక్షలు ఎక్కువగా ఉంది. అదే విధంగా ఈ మోడల్ కేవలం ఒకే ఒక్క పవర్ ట్రెయిన్ ఆప్షన్ తో మాత్రమే అందించబడింది.
ప్యాకేజీలో భాగంగా, 220i M స్పోర్ట్ షాడో ఎడిషన్ బ్లాక్ ఫినిష్ మరియు రియర్ స్పాయిలర్ తో సిగ్నేచర్ కిడ్నీ గ్రిల్ ద్వారా స్పోర్ట్ లుక్ ని కలిగి ఉంది. కస్టమర్లు ఈ కారును ఆల్పైన్ వైట్ మరియు స్కై స్క్రాపర్ గ్రే అనే రెండు ఎక్స్‌టీరియర్ కలర్లలో పొందవచ్చు.
షాడో ఎడిషన్ క్యాబిన్ ఇల్యూమినేటెడ్ బెర్లిన్ ట్రిమ్ తో బ్లాక్ మరియు ఆయిస్టర్ అప్హోల్స్టరీతో వచ్చింది. ఇంకా కార్బన్ గేర్ సెలెక్టర్ వరకు ఓవరాల్ యూనిక్ థీమ్ జతచేయబడింది. ఇతర ఫీచర్లలో జెస్చర్ కంట్రోల్ తో కూడిన 10.25-ఇంచ్ టచ్ స్క్రీన్ ఇన్ఫోటైన్మెంట్ సిస్టం, 12.3-ఇంచ్ డిజిటల్ ఇంస్ట్రుమెంట్ క్లస్టర్, పార్కింగ్ అసిస్ట్, మరియు వైర్ లెస్ ఛార్జింగ్ ప్యాడ్ వంటి అద్బుతమైన ఫీచర్లు ఉన్నాయి.
ఈ స్పెషల్ ఎడిషన్ ని కేవలం పెట్రోల్ పవర్ ట్రెయిన్ తో మాత్రమే పొందవచ్చు. ఈ కారు 2.0-లీటర్ ట్విన్-టర్బో పెట్రోల్ ఇంజిన్ తో రాగా, ఈ ఇంజిన్ 177bhp మరియు 280Nm టార్కును ఉత్పత్తి చేస్తుంది. ఇంకా చెప్పాలంటే, ఈ కారు మనకు నచ్చిన విధంగా ఎకో, ప్రో, కంఫర్ట్, స్పోర్ట్ వంటి డ్రైవ్ మోడ్ లకు మార్చుకునే విధంగా అందించబడింది. ఇంకో విషయం ఏంటి అంటే, ఈ కారు కేవలం 7.1 సెకన్లలో 0-100 కెఎంపిహెచ్ వేగాన్ని అందుకుంటుంది.
అనువాదించిన వారు: సంజయ్ కుమార్
