2023 ஆம் ஆண்டின் முதல் பாதியில் ஆறு புதிய இவிஸ் வந்துள்ளது. புதிய அறிமுகங்களுடன், இப்போது ஒரு இவி உள்ளது, இதன் விலை ரூ.10 லட்சம் மற்றும் ஒரு லக்சுரி எஸ்யுவி விலை 2 கோடி! இந்த புதிய பதிவுகள் என்ன? தெரிந்துகொள்ள தொடர்ந்து படியுங்கள்.
எம்ஜி காமெட் இவி
காமெட் இவி என்பது தற்போது விற்பனையில் உள்ள மிகவும் மலிவு விலையில் இருக்கும் எலக்ட்ரிக் வாகனமாகும், இதன் ஆரம்ப விலை ரூ.7.98 லட்சம் (எக்ஸ்-ஷோரூம்). பேஸ், ப்ளே மற்றும் ப்ளஷ் வேரியண்ட்ஸில் கிடைக்கும் இந்த காமெட் 41bhp மற்றும் 110Nm டோர்க் மற்றும் ஒரு முறை சார்ஜ் செய்தால் 230 கி.மீ ரேஞ்ச் வரை செல்லும். பேட்டரி கபாஸிட்டி 17.3kWh மற்றும் இது சிட்ரோன் eC3 மற்றும் டாடா டியாகோ இவி போன்றவற்றுக்கு போட்டியாக உள்ளது.
சிட்ரோன் eC3
eC3 என்பது C3 ஹேட்ச்பேக்கின் எலக்ட்ரிக் வெர்ஷனாகும். ஃப்ரென்ச் கார் தயாரிப்பாளரின் எலக்ட்ரிக் போர்ட்ஃபோலியோவில் இது முதல் இவி ஆகும், மேலும் அதன் பவரை 29.2kWh பேட்டரி பேக்கிலிருந்து பெறுகிறது. இந்த சிங்கிள் எலக்ட்ரிக் மோட்டார் 56bhp மற்றும் 143Nm டோர்க்கை உற்பத்தி செய்ய டியூன் செய்யப்பட்டுள்ளது மற்றும் eC3, எம்ஜி காமெட் இவி மற்றும் டாடா டியாகோ இவி ஆகியவற்றுடன் போட்டியிடுகிறது. eC3 இன் விலைகள் ரூ.11.50 லட்சத்திலிருந்து (எக்ஸ்-ஷோரூம்) தொடங்குகிறது மற்றும் வைப் பேக்குடன் லைவ் மற்றும் ஃபீல் வேரியண்ட்ஸில் கிடைக்கும்.
மஹிந்திரா XUV400
கார் தயாரிப்பாளருக்கான இவி புரட்சியை ஆரம்பிக்கும் வகையில், XUV400 இந்த ஆண்டு ஜனவரியில் ரூ.15.99 லட்சம் (எக்ஸ்-ஷோரூம்) ஆரம்ப விலையில் அறிமுகப்படுத்தப்பட்டது. EC மற்றும் EL வேரியண்ட்ஸில் இந்த மஹிந்திரா இவியின் பவர்ஹவுஸ் 39.4 kWh பேட்டரி ஆகும், இது 148bhp மற்றும் 310Nm பீக் டோர்க்கை வெளியிடுவதற்கு எலக்ட்ரிக் மோட்டாரை பயன்படுத்துகிறது. இது 456 கி.மீ டிரைவிங் ரேஞ்சைக் கொண்டுள்ளது மற்றும் டாடா நெக்ஸான் இவி மற்றும் எம்ஜி ZS இவி போன்றவறின் அம்சங்களை பெறுகிறது.
பிஎம்டபிள்யூ i7
i7 என்பது பிஎம்டபிள்யூ இன் புதிய முதன்மை எலக்ட்ரிக் செடான் ஆகும். 7 சீரிஸ் அடிப்படையில், ஒவ்வொரு அக்சலிலும் உள்ள இரண்டு எலக்ட்ரிக் மோட்டார்ஸ் 101.7kWh பேட்டரி பேக் மூலம் இயக்கப்படுகின்றன. i7 ஆனது 536bhp மற்றும் 745Nm டோர்க் டியூன் செய்யப்பட்ட பவர் அவுட்புட் மற்றும் xDrive60 ட்ரிமில் வழங்கப்படுகிறது. இது மெர்சிடிஸ்-பென்ஸ் EQS 580க்கு போட்டியாக உள்ளது மற்றும் ஒரு மணி நேரத்திற்கு 239 கி.மீ வேகத்தில் செல்லும். பிஎம்டபிள்யூ i7 விலை ரூ.1.95 கோடி (எக்ஸ்-ஷோரூம்).
ஹூண்டாய் ஐயோனிக் 5
ஐயோனிக் 5 2023 ஆட்டோ எக்ஸ்போவில் ரூ.44.95 லட்சம் விலையில் அறிமுகப்படுத்தப்பட்டது. இது கியா EV6 மற்றும் வால்வோ XC40 ரீசார்ஜ் போன்றவற்றுக்கு மாற்றாக உள்ளது மற்றும் 72.6kWh பேட்டரி பேக் உள்ளது. இதில் ரியர்-மவுண்டட் எலக்ட்ரிக் மோட்டார் 215bhp மற்றும் 350Nm டோர்க்கை உருவாக்குகிறது மற்றும் ஒருமுறை சார்ஜ் செய்தால் 631கி.மீ ரேஞ்ச் வரை என்று கூறப்படுகிறது.
மொழிபெயர்த்தவர் : பவித்ரா மதியழகன்