- ஏப்ரல் 29, 2024 அன்று லான்ச் செய்யப்படும்
- இது XUV400 இன் இன்ஃபோடெயின்மென்ட் மற்றும் இன்ஸ்ட்ரூமென்ட் ஸ்கிரீனைப் பெறும்
மஹிந்திரா XUV 300 ஐ முற்றிலும் புதிய அவதாரத்தில் புதிய தோற்றம், மேம்படுத்தப்பட்ட அம்சங்கள் மற்றும் புதிய பெயருடன் அறிமுகப்படுத்த உள்ளது. வரவிருக்கும் XUV 3XO இந்தியாவில் ஏப்ரல் 29, 2024 அன்று லான்சாகும். இப்போது அதிகாரப்பூர்வ வெளியீட்டிற்கு முன்னதாக, கார் தயாரிப்பாளர் XUV 3XO இன் சில அம்சங்களை டிசைன் எலிமெண்ட்ஸை டீஸ் செய்துள்ளது.
புதிய டீசரில் காணப்பட்டது மற்றும் முந்தைய டீஸர்களில் இருந்து ஊகிக்கப்பட்டது போல, புதிய XUV 3XO பிரிவின் முதல் டூயல்-பேன் பனோரமிக் சன்ரூஃப் பெறும். இது தவிர, வயர்லெஸ் ஸ்மார்ட்ஃபோன் கனெக்ட் உடன் கூடிய புதிய இன்ஃபோடெயின்மென்ட் சிஸ்டம், ஸ்மார்ட்ஃபோன் ரிமோட் ஏசி கண்ட்ரோல், டிஜிட்டல் இன்ஸ்ட்ரூமென்ட் க்ளஸ்டர், புதிய ஸ்டீயரிங் வீல் மற்றும் கவர்ச்சிகரமான டாஷ்போர்டு லேஅவுட் போன்ற அம்சங்களை இது பெறும்.
இது தவிர, XUV 3XO ஆனது டூயல் ஜோன் க்ளைமேட் கன்ட்ரோல், பவர்ட் டிரைவர் சீட், ஃப்ரண்ட் வென்டிலேடெட் சீட்ஸ், ஆம்பியன்ட் லைட்டிங், 360 டிகிரி சரவுண்ட் கேமரா, லேன் வாட்ச் கேமரா மற்றும் வயர்லெஸ் சார்ஜர் போன்ற அம்சங்களைப் பெறும் என்று எதிர்பார்க்கிறோம்.
தற்போதைய மாடலைப் போலவே, இந்த எஸ்யுவி 1.2 லிட்டர் என்ஏ பெட்ரோல், 1.2 லிட்டர் டர்போ பெட்ரோல் மற்றும் 1.5 லிட்டர் டீசல் இன்ஜின் விருப்பங்களைக் கொண்டிருக்கும். டிரான்ஸ்மிஷன் விருப்பங்களில் சிக்ஸ்-ஸ்பீட் மேனுவல் மற்றும் சிக்ஸ்-ஸ்பீட் ஏஎம்டீ கியர்பாக்ஸ் ஆகியவை அடங்கும்.
அறிமுகப்படுத்தப்பட்டதும், மஹிந்திரா XUV 3XO, டாடா நெக்ஸான், மாருதி பிரெஸ்ஸா, கியா சோனெட், ஹூண்டாய் வென்யூ, நிசான் மேக்னைட் மற்றும் ரெனோ கைகர் ஆகியவற்றுடன் போட்டியிடும்.
மொழிபெயர்த்தவர்: ஐசக் தீபன்