- இது நான்கு வேரியன்ட்ஸில் கிடைக்கிறது
- இந்தியாவில் இதன் விலை ரூ. 6.66 லட்சத்தில் இருந்து தொடங்குகிறது
மாருதி சுஸுகி மார்ச் மாதத்தில் அதன் மிகவும் பிரபலமான பிரீமியம் ஹேட்ச்பேக் பலேனோ மீது பெரும் தள்ளுபடியை வழங்குகிறது. தற்போது இதன் ஆரம்ப எக்ஸ்ஷோரூம் விலை ரூ. 6.66 லட்சம் மற்றும் இது சிக்மா, டெல்டா, ஜெட்டா மற்றும் ஆல்ஃபா ஆகிய நான்கு வேரியன்ட்ஸில் கிடைக்கிறது.
வாடிக்கையாளர்கள் இந்த ஹேட்ச்பேக்கை முன்பதிவு செய்ய நினைத்தால், மார்ச் மாதத்தில் ரூ. 57,000 வரை சலுகைகள் வழங்கபடுகின்றன. இதில் ரூ. 35,000 வரை கேஷ் தள்ளுபடி, ரூ. 15,000 எக்ஸ்சேஞ்ச் போனஸ் மற்றும் ரூ. 7,000 கார்ப்பரேட் சலுகைகள் அடங்கும். இருப்பினும், இந்த சலுகைகள் வேரியன்ட், டீலர்ஷிப், இடம் மற்றும் பிற காரணிகளைப் பொறுத்து மாறுபடலாம். மேலும் விவரங்களுக்கு வாடிக்கையாளர்கள் தங்களின் அருகிலுள்ள மாருதி சுஸுகி அங்கீகரிக்கப்பட்ட நெக்ஸா டீலரைத் தொடர்புகொள்ளுமாறு பரிந்துரைக்கிறோம்.
பலேனோ 1.2 லிட்டர் என்ஏ பெட்ரோல் இன்ஜின் மூலம் இயக்கப்படுகிறது மற்றும் நிறுவனத்தால் பொருத்தப்பட்ட சிஎன்ஜி கிட் விருப்பத்தையும் கொண்டுள்ளது. இந்த இன்ஜின் 88bhp பவரையும் 113Nm டோர்க்கையும் உருவாக்குகிறது மற்றும் சிஎன்ஜி முறையில் இது 76bhp பவரையும் 98.5Nm டோர்க்கையும் உருவாக்குகிறது. டிரான்ஸ்மிஷன் விருப்பங்களில் ஃபைவ்-ஸ்பீட் மேனுவல் மற்றும் ஏஎம்டீ யூனிட் ஆகியவை அடங்கும். இது தவிர, சிஎன்ஜி வேரியன்ட் மேனுவல் கியர்பாக்ஸுடன் மட்டுமே வருகின்றன.
மொழிபெயர்த்தவர்: ஐசக் தீபன்