- కాస్మోటిక్ అప్ డేట్స్ ని పొందిన XUV700 బ్లేజ్ ఎడిషన్
- వివిధ వెర్షన్లలో సరికొత్త మోడల్ లభ్యం
మహీంద్రా కంపెనీ తాజాగా దాని XUV700 మోడల్ లో కొత్త ‘బ్లేజ్ ఎడిషన్’ని పరిచయం చేయగా, దీని ధరలు రూ. 24.24 లక్షలు (ఎక్స్-షోరూమ్) నుంచి ప్రారంభమయ్యాయి. ఈ ఎస్యువి వెర్షన్ కొత్త మ్యాట్ ఫినిషింగ్ పెయింట్తో పాటుగా కాస్మెటిక్ అప్డేట్లను కూడా పొందింది.
ఎక్స్టీరియర్ పరంగా, ఇంతకు ముందు మేము మీకు చెప్పినట్లుగా, కొత్త XUV700 బ్లేజ్ ఎడిషన్లో గుర్తించదగిన మార్పు ఏంటి అంటే, ఇది కొత్త మ్యాట్ బ్లేజ్ రెడ్ కలర్ తో వచ్చింది. ఇదే ఇందులో కీలక మార్పు అని చెప్పవచ్చు. మిగతా వాటిని పరిశీలిస్తే రూఫ్, ఓఆర్విఎం, గ్రిల్ మరియు అల్లాయ్ వీల్స్ ని బ్లాక్ కలర్ ఫినిషింగ్ తో పొందింది. టెయిల్గేట్ మరియు ఫ్రంట్ ఫెండర్పై బ్లేజ్ ఎడిషన్ బ్యాడ్జింగ్ దీనికి మరింత అందాన్ని చేకూరుస్తూ కారును ఆకర్షణీయంగా మార్చింది.
ఇంటీరియర్ పరంగా,2024 మహీంద్రా XUV700 బ్లేజ్ ఎడిషన్ లోపల ఆల్-బ్లాక్ ఇంటీరియర్ మరియు అప్హోల్స్టరీ థీమ్ను పొందింది. సెంటర్ కన్సోల్ మరియు ఏసీవెంట్లపై రెడ్ కలర్ ఇన్సర్ట్లతో పాటు చుట్టూ ఉన్న రెడ్ కలర్ స్టిచింగ్ డిజైన్ ని మరింత హైలైట్ చేసింది.
XUV700 బ్లేజ్ ఎడిషన్ 2.0-లీటర్ ఎంస్టాలియన్ టర్బో-పెట్రోల్ ఇంజన్ మరియు 2.2-లీటర్ ఎంహాక్ డీజిల్ ఇంజన్తో అందించబడుతుండగా, పైన పేర్కొన్న రెండూ 6-స్పీడ్ మాన్యువల్ మరియు టార్క్ కన్వర్టర్ ఆటోమేటిక్ ట్రాన్స్మిషన్లతో జతచేయబడ్డాయి. ఈ స్పెషల్ ఎడిషన్లో అందించే వేరియంట్ల గురించి మహీంద్రా ఇంకా వెల్లడించనప్పటికీ, ఇది ఫోర్ వీల్ డ్రైవ్ (ఎఫ్ డబ్లూ డీ) మరియు 7-సీటర్ ట్రిమ్లలో మాత్రమే వస్తుందని మాత్రమే పేర్కొంది.
అనువాదించిన వారు: సంజయ్ కుమార్