టాటా సఫారి మరియు టాటా హారియర్ ఫేస్లిఫ్ట్ ధరలను ప్రకటించడానికి ఇంకా సమయం ఉన్నప్పటికీ, టాటా కంపెనీకి సంబంధించిన ఈ రెండు వాహనాల గురించి నెట్టింట్లో చాలా చర్చలు జరుగుతున్నాయి. టాటా కంపెనీ కూడా అధికారికంగా రెండు మోడళ్లను ఒకదాని తర్వాత ఒకటి టీజ్ చేసింది. అలాగే, మీరు కూడా ఈ రెండు వాహనాల గురించి తెలుసుకోవాలని ఆసక్తిగా ఉంటే లేదా ఏది బుక్ చేసుకోవాలో తెలియని డైలమాలో ఉంటే, మేము రాసిన ఈ కథనాన్ని పూర్తిగా చదవండి. ఇక్కడ మనం రెండింటిలో ఏవి ఒకేలా ఉన్నాయి మరియు ఏవి విభిన్నంగా ఉన్నాయో ఆ అంశాల గురించి చాలా వివరంగా చర్చించబోతున్నాము.
సఫారి మరియు హారియర్ ఇంజిన్స్
ఈ రెండు వాహనాలు 2.0-లీటర్ క్రియోటెక్ ఇంజిన్‌ను కలిగి ఉన్నాయి. మీరు ఈ రెండు ఎస్‍యువిలను డీజిల్ ఇంజిన్‌లో మాత్రమే కొనుగోలు చేసే అవకాశం ఉంది. అలాగే, మీరు రెండింటిలోనూ ఒకే గేర్‌బాక్స్‌ని పొందుతారు. సఫారీ మరియు హారియర్ 6-స్పీడ్ మాన్యువల్ మరియు 6-స్పీడ్ టార్క్ కన్వర్టర్ గేర్‌బాక్స్‌ని పొందుతాయి.
పొడవు మరియు వెడల్పులలో స్వల్ప తేడా
టాటా సఫారి మరియు హారియర్ పొడవు మరియు వెడల్పు కొలతలలో స్వల్ప తేడా ఉంది. సఫారి హారియర్ కంటే 63ఎంఎం పొడవు మరియు 80ఎంఎం పొడవు ఉంది. నిజంగా చెప్పాలంటే, సఫారి హారియర్ కంటే బరువు చాలా ఎక్కువగా ఉంటుంది. అయితే, సఫారి బూట్ స్పేస్ 447-లీటర్లు ఉంది. సఫారీలో 7 ప్యాసింజర్స్ కూర్చోనేందుకు వీలుంది. కానీ,హారియర్‌లో 5 మంది కూర్చునే సీటింగ్ కెపాసిటీ ఉంది. అతిపెద్ద తేడా ఏమిటంటే, హారియర్ 2-వరుసల ఎస్‍యువి కాగా, సఫారి 3-వరుసల ఎస్‍యువి. ఇందులో సఫారిదే పైచేయిగా అనిపిస్తుంది.
| కొలతలు | సఫారి ఫేస్ లిఫ్ట్ | హారియర్ ఫేస్ లిఫ్ట్ |
| పొడవు | 4661mm | 4598mm |
| వెడల్పు | 1894mm | 1894mm |
| ఎత్తు | 1786mm | 1706mm |
| వీల్ బేస్ | 2741mm | 2741mm |
| గ్రౌండ్ క్లియరెన్స్ | 205mm | 205mm |
| బరువు | 1825కేజీలు | 1655కేజీలు |
ఒకేలా కనిపిస్తున్న డిజైన్, అయినా చిన్నపాటి మార్పులు
ఎక్స్‌టీరియర్:
ఈ రెండు వాహనాల ఎల్ఈడీడీఆర్ఎల్స్ మరియు గ్రిల్ డిజైన్ ఒకేలా కనిపిస్తాయి, అయితే రెండింట్లో మనం చూస్తున్న బంపర్ మరియు హెడ్‌ల్యాంప్స్ స్థానంలో చాలా తేడా ఉంది. సఫారికి మూడవ వరుస ఉన్నందున, చివరి విండో హారియర్ కంటే చాలా పెద్దదిగా కనిపిస్తుంది, ఇది కారు పొడవుగా కనిపించేలా చేస్తుంది. మీరు చూస్తే సఫారి మరియు హారియర్ వెనుక డిజైన్‌లో చాలా మార్పులు మరియు తేడాలను గమనించవచ్చు.
ఇంటీరియర్
ఇంటీరియర్ పరంగా చూస్తే, రెండింటి డిజైన్‌లో మాకు పెద్దగా తేడా ఏమీ కనిపించలేదు. రెండింటి ఇంటీరియర్స్ ఇంతకు ముందు కంటే ఇప్పుడు మరింత ఫ్యూచరిస్టిక్‌గా, మెరుగ్గా కనిపిస్తున్నాయి. స్టీరింగ్ వీల్, ఏసీవెంట్స్ మరియు డ్యాష్‌బోర్డ్ డిజైన్ రెండింటిలో ఒకే విధంగా ఉంది. కానీ, మీరు రెండు మోడల్స్ లో కలర్ థీమ్‌ తేడాను మాత్రం ఖచ్చితంగా గమనిస్తారు.
ఫీచర్స్ లో పెద్దగా తేడాలు ఏమైనా ఉన్నాయా!
రెండు ఫేస్‌లిఫ్టెడ్ మోడల్స్ మెరుగైన అప్ డేటెడ్ ఫీచర్స్ తో రానున్నాయి. దీన్ని బట్టి చూస్తే రెండింటి ఫీచర్లలో పెద్దగా తేడా లేకపోవడం ఆశ్చర్యంగా అనిపిస్తుంది. అప్ డేటెడ్ సఫారి మరియు హారియర్ రెండూ 12.3-ఇంచ్ ఇన్ఫోటైన్‌మెంట్ స్క్రీన్, పూర్తి డిజిటల్ ఇన్‌స్ట్రుమెంట్ క్లస్టర్, కొత్త ఫోర్-స్పోక్ స్టీరింగ్ వీల్ మరియు ఏసీ ఫంక్షన్స్ కోసం టచ్ కంట్రోల్స్ వంటి ఫీచర్స్ ఉన్నాయి.
రెండు వాహనాల మధ్య తేడాను గురించి చెప్పాలంటే, సఫారి ముందు భాగంలో వెంటిలేటెడ్ సీట్స్ కలిగి ఉంది, అయితే ఈ ఫీచర్ రెండవ వరుసలో కెప్టెన్ సీట్స్ ఆప్షన్స్ మినహా మరే ఇతర ఆప్షన్స్ లో అందుబాటులో లేదు. హారియర్‌లో, వెంటిలేటెడ్ సీట్స్ ముందు సీట్లలో మాత్రమే అందుబాటులో ఉన్నాయి.
మైలేజీ పరంగా ఈ రెండూ ఒక్కటే
బ్రాండ్ నుంచి వచ్చిన అప్‌డేటెడ్ హారియర్ మాన్యువల్ వెర్షన్ మైలేజ్ 16.80 కెఎంపిఎల్ ఇస్తుండగా, ఆటోమేటిక్ వెర్షన్ ఫ్యూయల్ ఎఫిషియన్సీని 14.60కెఎంపిఎల్ గా కంపెనీ పేర్కొంది. సఫారి ఫేస్లిఫ్ట్ మాన్యువల్ గేర్‌బాక్స్ లీటరుకు 16.30 కిమీ మైలేజీని ఇస్తుందని మరియు ఆటోమేటిక్ గేర్‌బాక్స్ లీటరుకు 14.50 కిమీ మైలేజీని ఇస్తుందని టాటా కంపెనీ పేర్కొంది.
| ట్రాన్స్‌మిషన్ టైప్ | సఫారి ఫేస్ లిఫ్ట్ | హారియర్ ఫేస్ లిఫ్ట్ |
| మాన్యువల్ | 16.3కెఎంపిఎల్ | 16.80 కెఎంపిఎల్ |
| ఆటోమేటిక్ | 14.5 కెఎంపిఎల్ | 14.60 కెఎంపిఎల్ |
సేఫ్టీ ఫీచర్స్
ఈ రెండు వాహనాల్లో 7 ఎయిర్‌బ్యాగ్స్ అందుబాటులో ఉన్నాయి. అయితే, ఈ సెగ్మెంట్ లో మొదటిసారిగా 7 ఎయిర్‌బ్యాగ్స్ అందిస్తున్నారు. అంతేకాకుండా, వీటిలోప్రైమరీ ఏడీఏఎస్ ఫీచర్లు కూడా అందుబాటులో ఉన్నాయి. ఈ రెండు ఫేస్‌లిఫ్టెడ్ మోడల్స్ ను ఇంకా జిఎన్ క్యాప్ బాడీ టెస్ట్ ద్వారా టెస్ట్ చేయలేదు.
ముగింపు
మనం కొంచెం జాగ్రత్తగా పరిశీలిస్తే, సఫారీ మరియు హారియర్ మధ్య అతిపెద్ద తేడా వాటి సీటింగ్ సామర్థ్యంలో మాత్రమే ఉంది. మీరు రెండు వాహనాల్లో దాదాపు ఒకే విధమైన ఫీచర్లు మరియు డిజైన్‌లను చూడవచ్చు. ప్రస్తుత అవసరాలకు దృష్టిలో ఉంచుకొని, మీరు మీ కుటుంబానికి పెద్ద ఎస్‍యువి కారు కావాలనుకుంటే, మీరు సఫారీని చూడవచ్చు. అలాగే మీరు మోస్ట్ పవర్ ఫుల్ మరియు బెస్ట్ ఇంజన్‌తో కూడిన 5-సీట్స్ ఎస్‍యువి కోసం చూస్తున్నట్లయితే, సఫారి మరియు హారియర్ మధ్య హారియర్ మీకు సరైన మరియు బెస్ట్ ఆప్షన్. ప్రస్తుతం, ఈ రెండింటి ధరలను టాటా కంపెనీ వెల్లడించనప్పటికీ, దాదాపు రూ.80,000 నుండి రూ.1 లక్ష వరకు తేడా ఉండవచ్చని మేము భావిస్తున్నాము.
అనువాదించిన వారు: సంజయ్ కుమార్
