- కొత్త Z12E 1.2-లీటర్, 3-సిలిండర్ మైల్డ్-హైబ్రిడ్ పెట్రోల్ ఇంజిన్ తో వచ్చే అవకాశం
- 2024లో కొత్త స్విఫ్ట్ లాంచ్ అయ్యే అవకాశం
ఇండియాలో కొత్త స్విఫ్ట్ ని మారుతి సుజుకి టెస్టింగ్ చేయడం ప్రారంభించింది. ఇండియాలోని పబ్లిక్ రోడ్లపై 3 కార్లు కామోఫ్లేజ్ కవర్ తో టెస్టింగ్ చేస్తుండగా కనిపించాయి, దీంతో ఈ కొత్త హ్యచ్ బ్యాక్ కి సంబంధించి కొత్త వివరాలు ఇంటర్నెట్లో దర్శనమిచ్చాయి.
2024లో ఏ సమయంలోనైనా లాంచ్ అయ్యే అవకాశం ఉంది, కొత్త స్పై పిక్చర్స్ చూస్తే దీని ఓఆర్ విఎం ఇండికేటర్ పై ఇల్యూమినేటెడ్ మార్కింగ్ ఉండనుంది. అలాగే ఇంటర్నేషనల్ స్పెక్స్ తో కూడిన లెవెల్ 2 ఏడీఏఎస్ టెక్ సూట్ రానుండగా, మిగతా అన్ని ఫీచర్స్ ని ఇండియన్ –స్పెక్ మోడల్ లో ఆశించలేము.
అంతే కాకుండా, కొత్త స్విఫ్ట్ లో ఇంటిగ్రేటెడ్ డీఆర్ఎల్స్ తో కూడిన డిజైన్డ్ ఎల్ఈడీ హెడ్ ల్యాంప్స్, రీడిజైన్డ్ అల్లాయ్ వీల్స్, మరియు రీప్రోఫైల్డ్ బంపర్స్ ఉండనున్నాయి. ఇంకా చెప్పాలంటే, ఇందులోని రియర్ డోర్ ఎక్స్‌టీరియర్ హ్యాండిల్స్ సి-పిల్లర్ డోర్స్ వరకు రీపొజిషన్ చేయబడ్డాయి. లోపల చూస్తే, క్యాబిన్ లో భారీ 9-ఇంచ్ టచ్ స్క్రీన్ ఇన్ఫోటైన్మెంట్ సిస్టం, బ్లాక్ మరియు వైట్ థీమ్, మరియు కొత్త ఏసీ కంట్రోల్ ప్యానెల్ ఉండనున్నాయి.
తాజాగా ఆవిష్కరించబడిన జపనీస్-స్పెక్ స్విఫ్ట్ లో కొత్త పవర్డ్ Z12E 1.2-లీటర్ పెట్రోల్ ఇంజిన్ ఉండనుంది. ఇది సివిటి యూనిట్ తో జత చేయబడి ఏడబ్లూడీ కాన్ఫిగరేషన్ తో అందించబడుతుంది. పవర్ అవుట్ పుట్ గురించి ఇంకా తెలియనప్పటికీ, ఇండియా-స్పెక్ స్విఫ్ట్ కి సరిపోయేలా దీని పవర్ ట్రెయిన్ ఉండనుంది. ఎలాగైతే ఏముంది, పవర్ అవుట్ పుట్ కేవలం ఫ్రంట్ వీల్స్ కి మాత్రమే పరిమితం చేయబడింది.
అనువాదించిన వారు: సంజయ్ కుమార్
