- చైల్డ్ ఆక్యుపెంట్ ప్రొటెక్షన్ లో 0-స్టార్స్ తో మరీ పేలవమైన రిజల్ట్స్
- ఈ సంవత్సరం ఇండియాలో అమేజ్ ఫేస్లిఫ్ట్ అరంగేట్రం చేసే అవకాశం
గ్లోబల్ ఎన్క్యాప్ క్రాష్ టెస్టు ద్వారా హోండా అమేజ్ కారును క్రాష్ టెస్ట్ చేయగా, ఈ కాంపాక్ట్ సెడాన్ కేవలం 2-స్టార్ సేఫ్టీ రేటింగ్ మాత్రమే అందుకుంది. క్రాష్ టెస్ట్ రిపోర్ట్స్ ప్రకారం, చైల్డ్ ఆక్యుపెన్సీ ప్రొటెక్షన్లో 0-స్టార్స్ స్కోర్ చేయగా, అడల్ట్ ఆక్యుపెన్సీలో కేవలం 2-స్టార్స్ స్కోర్ చేసింది.
అడల్ట్ ఆక్యుపెన్సీలో 34 పాయింట్లకు గాను హోండా అమేజ్ కారు 27.85 పాయింట్లు స్కోర్ చేసింది. కారు బాడీ షెల్ స్థిరంగా ఉన్నట్లు రేట్ చేయబడగా, డ్రైవర్ మరియు ప్యాసింజర్ల మోకాళ్ల వద్ద ప్రొటెక్షన్ అంతంత మాత్రంగానే ఉంది. ఇంకా చెప్పాలంటే, ఇందులో పాజిటివ్ రెస్పాన్స్ ఏంటి అంటే, ఫ్రంట్ ప్యాసింజర్ల మెడ భాగం (నెక్) మరియు తల భాగం (హెడ్) వద్ద బెస్ట్ ప్రొటెక్షన్ అందిస్తున్నట్లు రిపోర్టులో వెల్లడైంది.
చైల్డ్ ఆక్యుపెన్సీ ప్రొటెక్షన్లో 49 పాయింట్లకు గాను 8.58 పాయింట్లు మాత్రమే స్కోర్ చేయగా, రియర్ సెంటర్ పొజిషన్ విషయానికి వస్తే, ఈ కారు రెండు ఐసోఫిక్స్ పాయింట్లను మాత్రమే అందించగా, ఇందులో సిఆర్ఎస్ ఇన్స్టాలేషన్ ఫెయిల్ అయింది.
టెస్టింగ్ చేయబడిన మోడల్ డ్యూయల్-ఫ్రంట్ ఎయిర్ బ్యాగ్స్, సీట్ బెల్ట్ ప్రీటెన్షనర్స్, మరియు లోడ్-లిమిటర్ ని కలిగి ఉంది. అలాగే ఈ కారు అన్ని సీట్లకు ఐసోఫిక్స్ యాంకరేజెస్ మరియు సీట్ బెల్ట్ రిమైండర్ ను పొందింది.
గ్లోబల్ ఎన్క్యాప్ క్రాష్ టెస్టుపై హోండా ఇండియా స్పందిస్తూ “సౌత్ ఆఫ్రికన్-స్పెక్ సెకండ్ జనరేషన్ అమేజ్ కారుని ఇదివరకే గ్లోబల్ ఎన్క్యాప్ ద్వారా 2019లో టెస్ట్ చేయగా, అందులో 4-స్టార్ ని పొందింది. కొత్త ప్రోటోకాల్ అధారంగా చేసిన లేటెస్ట్ టెస్టును చూస్తే, మొత్తం స్కోర్ 5-స్టార్ లెవెల్ లో ఉంది. మొత్తానికి, అతి తక్కువ రేటింగ్ ని పొందడానికి ఎలక్ట్రానిక్ స్టెబిలిటీ కంట్రోల్ మరియు సైడ్ కర్టెన్ బ్యాగ్స్ లేకపోవడమే ప్రధాన కారణం” అని పేర్కొంది.
అనువాదించిన వారు: సంజయ్ కుమార్