- అందుబాటులోకి కేవలం ఒకే ఒక్క వేరియంట్
- ఫుల్ చార్జ్ తో 440 కిమీ వరకు డ్రైవ్ చేయవచ్చని ప్రకటించిన డబ్ల్యూఎల్‌టిపి
బిఎండబ్ల్యూ ఇండియా X1 SUV, iX1 ఎలక్ట్రిక్ వెర్షన్ ను రూ. రూ. 66.90 లక్షలు (ఎక్స్-షోరూమ్)తో లాంచ్ చేసింది. ఇది జర్మన్ ఆటోమేకర్ నుండి నాల్గవ పూర్తి-ఎలక్ట్రిక్ వాహనం మరియు ఇది సిబియు రూట్ ద్వారా ఇండియన్ మార్కెట్లోకి వస్తుంది. ఆసక్తి కలిగి ఉన్న కస్టమర్స్ ఇప్పుడే బ్రాండ్ ఆన్‌లైన్ పోర్టల్ నుండి ప్రత్యేకమైన ఎలక్ట్రిక్ ఎస్‍యువిని బుక్ చేసుకుని అక్టోబరు 2023 వరకు డెలివరీని పొందవచ్చు.
డిజైన్ పరంగా, iX1 ఒక విభిన్నమైన 'I'ఐడెంటిఫికేషన్, సపోర్టెడ్ ఎల్ఈడీ హెడ్‌ల్యాంప్స్ మరియు రన్నింగ్ బోర్డ్‌లతో పాటు ముందు మరియు వెనుక బంపర్‌ బ్లూ యాక్సెంట్‌లతో దాదాపు స్క్వేర్ సిగ్నేచర్ కిడ్నీ షేప్ గ్రిల్‌ను కలిగి ఉంది. అంతే కాకుండా, ఇది ఐసీఈ వెర్షన్ స్టైలింగ్‌ను పోలి ఉంటుంది.
ఈ ఎలక్ట్రిక్ ఎస్‍యువిని కస్టమర్స్ నాలుగు కలర్ ఆప్షన్స్ లో పొందవచ్చు. అవి ఏవి అంటే, ఆల్పైన్ వైట్, స్పేస్ సిల్వర్, బ్లాక్ సఫైర్ మరియు స్టార్మ్ బే. అంతేకాకుండా, కస్టమర్స్ అప్హోల్స్టరీని వెగాంజా పర్ఫోరేటెడ్ మోకా మరియు వెగాంజా పర్ఫోరేటెడ్ మోచా ఓయిస్టర్ లో సెలెక్ట్ చేసుకోవచ్చు.
ఇందులో ఉన్న ఫీచర్స్ ని చూస్తే, iX1 10.7-ఇంచ్ టచ్‌స్క్రీన్ ఇన్ఫోటైన్‌మెంట్ స్క్రీన్ మరియు 10.25-ఇంచ్ ఫుల్ డిజిటల్ ఇన్‌స్ట్రుమెంట్ క్లస్టర్‌ను కలిగి ఉంది. ఇది బ్లూ రింగ్ ఫినిషర్ లోగోతో ఎమ్ స్పోర్ట్ లెదర్ స్టీరింగ్ వీల్, 12-స్పీకర్ హర్మాన్ కార్డాన్ సరౌండ్ సౌండ్ సిస్టమ్, మసాజ్ ఫంక్షన్స్ తో కూడిన యాక్టివ్ ఫ్రంట్ సీట్స్ మరియు యాంబియంట్ లైట్‌ని కలిగి ఉంది. అంతేకాకుండా, ఇది డ్యూయల్-జోన్ ఆటోమేటిక్ క్లైమేట్ కంట్రోల్, పనోరమిక్ సన్‌రూఫ్, పవర్ టెయిల్‌గేట్ మరియు స్టోరేజీతో కూడిన ఫ్లోటింగ్ ఆర్మ్‌రెస్ట్‌ వంటి ఫీచర్స్ కూడా కలిగి ఉంది.
ఈ కొత్త ఎలక్ట్రిక్ ఎస్‍యువి అత్యంత శక్తివంతమైన 66.4kWh బ్యాటరీ ప్యాక్ ఆప్షన్ తో వస్తుంది, ఇది ప్రతి యాక్సిల్‌పై అమర్చబడి డ్యూయల్ మోటార్‌లతో 309bhp మరియు 494Nm గరిష్ట టార్క్‌ని ఉత్పత్తి చేస్తూ 440కిమీవరకు డబ్ల్యూఎల్‌టిపి-క్లెయిమ్ చేసిన రేంజ్ ని అందుకోవచ్చు. దీని ద్వారా 5.6 సెకన్లలో 0 నుండి 100kmph వరకు ఈజీగా చేరుకోవచ్చు. అలాగే, 180kmph మాక్సిమం స్పీడ్ ని చాలా సులభంగా అందుకోవచ్చు. 130kW డిసి ఫాస్ట్ ఛార్జర్‌ని ఉపయోగించి కేవలం 29 నిమిషాల్లో 10 నుండి 80 శాతం వరకు బ్యాటరీని ఛార్జ్ చేయవచ్చు. మరోవైపు 11kW AC ఛార్జర్ తో, 6.3 గంటల్లో బ్యాటరీని 0% నుండి 100% వరకు ఛార్జ్ చేయవచ్చు.
అనువాదించిన వారు: సంజయ్ కుమార్
