- కొత్తగా ఫ్రంట్-ఫెండర్ మౌంటెడ్ ఛార్జింగ్ పోర్ట్ తో రానున్నeVX
- పిల్లర్-మౌంటెడ్ రియర్ డోర్ హ్యాండిల్స్ దీని ప్రత్యేకత
ఇండియన్ ఆటోమేకర్ మారుతి సుజుకి నుండి మొదటిసారిగా ఈవీ అవతార్ ను పరిచయం చేస్తూ వచ్చిన eVX కారు భారత్ మొబిలిటీ ఎక్స్పో-2024లో ప్రత్యేక ఆకర్షణగా నిలిచింది. ఈ ఈవెంట్ కి ముందుగా, eVX మోడల్ చాలా సందర్భాల్లో టెస్టింగ్ చేస్తూ కనిపించింది. ఇప్పుడు, ఈ ఆల్-ఎలక్ట్రిక్ ఎస్యూవీ తాజాగా మరోసారి కనిపించడంతో దీనికి సంబంధించి మరికొన్ని ఆసక్తికరమైన కీలక విషయాలు తెలిశాయి. ఆ వివరాలెంటో ఈ ఆర్టికల్ ద్వారా మనం తెలుసుకుందాం.
టెస్ట్ మ్యూల్ అవతార్లో కనిపించిన మారుతి eVX ఒక భారీ కామోఫ్లేజ్ తో కప్పబడి దాని టెస్టింగ్ ని కొనసాగిస్తుంది. ఇక్కడ ఉన్న ఫోటోలలో చూస్తే, ఈ ఎలక్ట్రిక్ ఎస్యూవీ ఫ్రంట్-ఫెండర్ మౌంటెడ్ ఛార్జింగ్ పోర్ట్, ఫ్రంట్ కెమెరా, ఓఆర్విఎం కింద కెమెరా, పిల్లర్-మౌంటెడ్ రియర్ డోర్ హ్యాండిల్స్, మరియు ఏడీఏఎస్ (అడాస్) టెక్ కి సూట్ అయ్యే విధంగా ఐఆర్విఎం వెనుక అమర్చబడిన కెమెరా వంటి బెస్ట్ ఫీచర్లను కలిగి ఉంది.
ఇంకా చెప్పాలంటే, ఇంటిగ్రేటెడ్ హై-మౌంటెడ్ స్టాప్ ల్యాంప్, షార్క్ ఫిన్ యాంటెన్నా, రియర్ వైపర్ మరియు కనెక్టెడ్ టెయిల్లైట్ సెటప్ తో పొడవైన్ రూఫ్ స్పాయిలర్ ద్వారా దీని రియర్ ప్రొఫైల్ హైలైట్ చేయబడింది. అదే విధంగా, eVX మోడల్ భారీ మల్టీ-స్పోక్ అల్లాయ్ వీల్స్ పై దాని డ్రైవ్ ని ప్రారంభించనుంది.
ఇంకా, దీని క్లోజప్ షాట్ చూస్తే, సింగిల్ పీస్ యూనిట్లో భారీ ఫ్రీ-స్టాండింగ్ ఇన్ఫోటైన్మెంట్ సిస్టం, అలాగే డిజిటల్ డ్రైవర్ డిస్ప్లేని ఈ ఎస్యూవీలో చూడవచ్చు. అంతే కాకుండా, ఇది ఆటో-డిమ్మింగ్ ఐఆర్విఎం, బ్లైండ్ స్పాట్ మానిటర్, హెచ్యుడి డిస్ప్లే, వైర్లెస్ ఛార్జర్, ఆటోమేటిక్ క్లైమేట్ కంట్రోల్, పవర్డ్ డ్రైవర్ సీటు, వెంటిలేటెడ్ ఫ్రంట్ సీట్స్ మరియు కొత్త స్టీరింగ్ వీల్ వంటి ఫీచర్లను పొందే అవకాశం ఉంది.
ఇంకా బ్యాటరీ ప్యాక్ మరియు స్పెసిఫికేషన్స్ విషయానికి వస్తే, మారుతి eVX 550 కిలోమీటర్ల రేంజ్ ని అందించే 60kWh బ్యాటరీ ప్యాక్ యూనిట్ తో వచ్చే అవకాశం ఉందని కంపెనీ పేర్కొంది.
అనువాదించిన వారు: సంజయ్ కుమార్