- గ్లోబల్ ఎన్ క్యాప్ లో 5-స్టార్ రేటింగ్ పొందిన సూపర్బ్ సెడాన్
- 12-రకాలుగా ఫ్రంట్ సీటును అడ్జస్ట్ చేసుకునే సౌకర్యం ఈ కారు ప్రత్యేకత
దేశవ్యాప్తంగా కస్టమర్ల నుంచి అధిక డిమాండ్ కారణంగా స్కోడా ఆటో ఇండియా అప్డేటెడ్ వెర్షన్ను 2024 సూపర్బ్ పేరుతో నేడే ఇండియాలో లాంచ్ చేసింది. ప్రస్తుతం ఇండియాలో స్కోడా నుంచి స్లావియా, కుషాక్ మరియు కొడియాక్ అనే మూడు మోడల్స్ విక్రయించబడుతుండగా, ఇప్పుడు సూపర్బ్ సెడాన్ కూడా తోడవడంతో వీటి సంఖ్య నాలుగుకి చేరింది. స్కోడా కంపెనీ సూపర్బ్ సెడాన్ ని రూ. 54 లక్షలతో ఎక్స్-షోరూం ధరతో లాంచ్ చేయగా, ఇది ఒకే ఒక్క, ఫుల్లీ లోడెడ్ L&K(లారిన్ & క్లెమెంట్) వేరియంట్లో అందించబడింది. ఆసక్తి కలిగిన కస్టమర్లు దీనిని బ్రాండ్ ఆన్ లైన్ పోర్టల్ ద్వారా బుక్ చేసుకోవచ్చు. ఈ నెలాఖరు నుంచి వీటి డెలివరీ ప్రారంభమవుతుంది.
ఫీచర్ల గురించి చెప్పాలంటే, సూపర్బ్ మోడల్ L&K ప్యాకేజీలో అడాప్టివ్ ఎల్ఈడీ హెడ్ల్యాంప్స్, కార్నరింగ్ ఫంక్షన్తో ఎల్ఈడీ ఫాగ్ లైట్స్, వైర్డ్ యాపిల్ కార్ ప్లే మరియు ఆండ్రాయిడ్ ఆటో, వెంటిలేషన్ ఫంక్షన్తో 12-వే ఎలక్ట్రికల్లీ అడ్జస్టబుల్ ఫ్రంట్ సీట్స్ మరియు డ్రైవర్ సీటు కోసం మసాజ్ ఫంక్షన్ వంటి ఫీచర్లను పొందింది. అలాగే, ఇందులో కాగ్నాక్ అప్హోల్స్టరీ, 3-జోన్ క్లైమేట్ కంట్రోల్, వర్చువల్ కాక్పిట్, 9 ఎయిర్బ్యాగ్స్, టిపిఎంఎస్, 360-డిగ్రీ కెమెరాతో పార్క్ అసిస్ట్, ఏడీఏఎస్(ఎడాస్) సూట్ మరియు ఎలక్ట్రానిక్ డిఫరెన్షియల్ లాక్ ఉన్నాయి.
కలర్స్ పరంగా, కొత్త సూపర్బ్ సెడాన్ రోసో బ్రూనెల్లో, వాటర్ వరల్డ్ గ్రీన్ మరియు మ్యాజిక్ బ్లాక్ మూడు కలర్లలో అందించబడింది. ఇంకా చెప్పాలంటే, ఈ కారు గ్లోబల్-స్పెక్ మోడల్లో 18-ఇంచ్ వీల్స్ ని ఉపయోగించగా, ఇండియన్-స్పెక్ మోడల్ లో కూడా 18-ఇంచ్ వీల్స్ ని అందుబాటులోకి తీసుకువచ్చింది.
ఇక సేఫ్టీ రేటింగ్స్ విషయానికి వస్తే, స్కోడా సూపర్బ్ మోడల్ కి గ్లోబల్ ఎన్ క్యాప్ క్రాష్ టెస్టులో అడల్ట్ మరియు చైల్డ్ ఆక్యుపెన్సీలో 5-స్టార్ రేటింగ్ లభించింది. ప్రస్తుతం, దీనిని భారత్ ఎన్ క్యాప్ క్రాష్ టెస్ట్ ద్వారా టెస్ట్ చేయలేదు. కానీ, రానున్న రోజుల్లో భారత్ ఎన్ క్యాప్ క్రాష్ టెస్ట్ చేయవచ్చు.
బానెట్ కింద, 2024 స్కోడా సూపర్బ్ లో ఇంతకు ముందు ఉపయోగించిన 2.0-లీటర్, నాలుగు-సిలిండర్ పెట్రోల్ ఇంజన్ నే స్కోడా ఇండియా తీసుకువచ్చింది. ఈ ఇంజిన్ 187bhp మరియు 320Nm టార్క్ను ఉత్పత్తి చేస్తుంది. అలాగే, 7-స్పీడ్ డిఎస్జి ఆటోమేటిక్ యూనిట్తో జత చేయబడి వచ్చిన ఈ కారు కేవలం 7.7 సెకన్లలో 0-100కెఎంపిహెచ్ వేగాన్ని చాలా ఈజీగా అందుకుంటుంది.