டாடாவின் இந்த மாடல்க்கான வெயிட்டிங் பீரியட் சுமார் 3 வாரங்களாக குறைகிறது

- இரண்டு இன்ஜின் விருப்பங்களுடன் வழங்கப்படுகிறது

- நெக்ஸான் ஃபேஸ்லிஃப்ட் இந்த ஆண்டின் பிற்பகுதியில் லான்ச் செய்யப்படும் என எதிர்பார்க்கப்படுகிறது

டாடா நெக்ஸான் சில காலமாக இந்தியாவில் அதிகம் விற்பனையாகும் காம்பேக்ட் எஸ்யுவிஸில் ஒன்றாக உள்ளது. ஃபைவ்-ஸ்டார் சேஃப்டி ரேட்டிங் பெற்ற எஸ்யுவி தற்போது ரூ.7.80 லட்சம் (எக்ஸ்-ஷோரூம்) ஆரம்ப விலையில் விற்பனை செய்யப்படுகிறது. நெக்ஸானுக்கான வெயிட்டிங் பீரியட் ஏப்ரல் மாதத்தில் 15 வாரங்களாக இருந்தது, தற்போது இது குறைந்துள்ளது.

டாடா நெக்ஸானுக்கான வெயிட்டிங் பீரியட்

டாடா நெக்ஸான் எஸ்யுவி இரண்டு இன்ஜின் விருப்பங்களுடன் வழங்கப்படுகிறது. மேனுவல் வேரியண்ட்ஸ் தற்போது முன்பதிவு செய்த நாளிலிருந்து மூன்று முதல் நான்கு வாரங்கள் வரை வெயிட்டிங் பீரியட் மற்றும் அதேசமயம், ஆட்டோமேட்டிக் வேரியண்ட்ஸின் டெலிவரி ஐந்து முதல் ஏழு வாரங்கள் ஆகும்.

டாடா நெக்ஸான் இன்ஜின் விவரக்குறிப்புகள்

புதிய BS6 ஃபேஸ் 2 மற்றும் ஆர்டிஇ விதிமுறைகளை பூர்த்தி செய்ய கார் தயாரிப்பாளர் சமீபத்தில் நெக்ஸானின் பவர் ட்ரெயின்ஸை மேம்படுத்தியுள்ளது. இந்த எஸ்யுவியில் 1.2 லிட்டர் டர்போ பெட்ரோல் மற்றும் 1.5 லிட்டர் டீசல் இன்ஜின் பொருத்தப்பட்டுள்ளது. முந்தையது 118bhp மற்றும் 170Nm டோர்க்கை உற்பத்தி செய்கிறது. மறுபுறம், டீசல் 108bhp மற்றும் 260Nm பீக் டோர்க்கை வெளிப்படுத்துகிறது. இரண்டு இன்ஜின்ஸ்க்கான டிரான்ஸ்மிஷன் விருப்பங்களில் சிக்ஸ்-ஸ்பீட் மேனுவல் மற்றும் ஏஎம்டீ யூனிட் ஆகியவை அடங்கும்.

குறிப்பிடப்பட்டுள்ள வெயிட்டிங் பீரியட் மும்பை நகரத்தில் உள்ளது மற்றும் இருப்பிடம், ஸ்டாக் கிடைக்கும் தன்மை, வேரியண்ட், நிறம் மற்றும் பிற காரணிகளைப் பொறுத்து மாறுபடலாம். மேலும் தகவலைப் பெற, அருகிலுள்ள டாடா-அங்கீகரிக்கப்பட்ட டீலரைத் தொடர்பு கொள்ளுமாறு பரிந்துரைக்கிறோம்.

இதை தவிர, டாடா நெக்ஸான் இந்த ஆண்டு ஃபேஸ்லிஃப்ட் பெற உள்ளது; மாடலின் டெஸ்ட் ம்யூல் நாடு முழுவதும் பல முறை டெஸ்ட் செய்து பார்க்கப்பட்டது.

மொழிபெயர்த்தவர் : பவித்ரா மதியழகன்