-பெட்ரோல் மற்றும் டீசல் விருபங்களில் கிடைக்கும்
-ஒற்றை ஃபுல்லி லோடெட் சிங்கிள் வேரியன்ட்டில் மட்டுமே வழங்கபடும்
ஜெஎல்ஆர் இந்தியா தனது புதுப்பிக்கப்பட்ட ரேஞ்ச் ரோவர் இவோக் காரை ரூ. 67.90 லட்சம் (எக்ஸ்-ஷோரூம்) விலையில் லான்ச் செய்துள்ளது. இது இரண்டு இன்ஜின் ஆப்ஷன்களில் கிடைக்கும், ஐந்து சீட்டர் கொண்ட இந்த சொகுசு எஸ்யுவி ஐந்து வண்ணங்களில் வழங்கபடுகின்றன.
டிசைனில், முன்பக்கத்தில், 2024 இவோக் ஸ்போர்ட்ஸ் மாடல் போன்ற சில அம்சங்களான ஃப்ளோட்டிங் ரூஃப், புதிதாக வடிவமைக்கப்பட்ட ஃப்ரண்ட் கிரில், சிக்னேச்சர் டிஆர்எல்கள் கொண்ட புதிய எல்இடி ஹெட்லேம்ப்ஸ், ரெட் ப்ரேக் காலிப்பர்ஸ் மற்றும் டைமண்ட்-கட் அலோய் வீல்கள் ஆகியவற்றைக் கொண்டுள்ளது. கூடுதலாக, இது இரண்டு புதிய எக்ஸ்டீரியர் வண்ணங்களைப் பெறுகிறது, அதாவது கொரிந்தியன் ப்ரோன்ஸ் மற்றும் ட்ரிபெகா ப்ளூ.
உள்ளே, இது சமீபத்திய ஜெனரேஷன் பீவி ப்ரோ டெக்னாலஜி உடன் கூடிய 11.4-இன்ச் கர்வ்ட் கிளாஸ் டச்ஸ்கிரீன் இன்ஃபோடெயின்மென்ட் ஸ்கிரீன், டூயல் ஜோன் க்ளைமேட் கன்ட்ரோல், ஹீட்டெட் மற்றும் வென்டிலேடெட் ஃப்ரண்ட் சீட்ஸ், வயர்லெஸ் சார்ஜர், கேபின் ஏர் ப்யூரிஃபயர், 3D சரவுண்ட் வியூ மற்றும் ஒரு க்ளியர்சைட் க்ரவுண்ட் வியூ மற்றும் ரியர்வியூ மிர்ரர் ஆகியவற்றைக் கொண்டுள்ளது.
புதிய ரேஞ்ச் ரோவர் இவோக் இரண்டு இன்ஜின் விருப்பங்களில் கிடைக்கும். இதில் 247bhp மற்றும் 365Nm டோர்க்கை உருவாக்கும் 2.0 லிட்டர் பெட்ரோல் மோட்டார் மற்றும் 201bhp மற்றும் 430Nm டோர்க்கை வெளிப்படுத்தும் 2.0 லிட்டர் டீசல் இன்ஜின் ஆகியவை இதில் உள்ளது.