- வரும் மாதங்களில் புதிய ஃபேஸ்லிஃப்ட் வெர்ஷனைப் பெறும்
- இன்ஜினில் எந்த மாற்றமும் செய்யப்படாது
இந்திய கார் தயாரிப்பு நிறுவனமான மஹிந்திரா தனது என்ட்ரி லெவல் காம்பேக்ட் எஸ்யுவியான XUV300க்கான முன்பதிவுகளை நிறுத்துவதாக அறிவித்துள்ளது. இதற்குக் காரணம் அதன் வரவிருக்கும் ஃபேஸ்லிஃப்ட் வெர்ஷனாகும். இதன் டெஸ்ட்டிங் மாடல் சமீபத்தில் ஸ்பை செய்யப்பட்டது, இதன் காரணமாக இது விரைவில் சந்தையில் அறிமுகப்படுத்தப்படும் என்று தகவல்கள் உள்ளன.
ஒரு முதலீட்டாளர் சந்திப்பில், XUV300 தொடர்பான கேள்விக்கு பதிலளித்த மஹிந்திரா மற்றும் மஹிந்திராவின் ஆட்டோ மற்றும் ஃபார்ம் செக்டர் நிர்வாக இயக்குநரும் தலைமை நிர்வாக அதிகாரியுமான ராஜேஷ் ஜெஜூரிகர், இந்த மாடலின் ஃபேஸ்லிஃப்ட் வெர்ஷன் விரைவில் சந்தைக்கு வரவுள்ளது.
கார் தயாரிப்பு நிறுவனம் இந்த காருக்கான முன்பதிவுகளை நிறுத்திவிட்டாலும், நாடு முழுவதும் உள்ள டீலர்ஷிப்கள் முன்பதிவுகளை ஏற்றுக்கொண்டுள்ளன. டீலர்ஷிப்கள் தங்களிடம் இருக்கும் ஸ்டாக்கை முடிக்கும் வரை முன்பதிவுகளைத் தொடரும். XUV300 இன் அப்டேட்ட வெர்ஷன் மே 2024க்குள் சந்தைக்கு வரும்.
சமீபத்தில் வெளியிடப்பட்ட XUV300 ஃபேஸ்லிஃப்ட்டின் புகைபடங்களில் ஸ்ப்ளிட் எல்இடி ஹெட்லேம்ப்கள், மறுவடிவமைப்பு செய்யப்பட்ட கிரில், ஃப்ரண்ட் மற்றும் ரியரில் புதிய பம்ப்பர்கள் மற்றும் கனெக்டெட் எல்இடி டெயில்லைட்கள் போன்ற புதிய புதுப்பிப்புகளைக் காட்டுகின்றன. மறுபுறம், அதன் இன்டீரியரில் XUV400 இன் இஎல் ப்ரோ வேரியன்ட்டை முழுமையாக ஈர்க்கப்பட்டதாகத் தெரிகிறது.
அம்சங்களில் புதுப்பிப்புகளைப் பற்றி பேசினால், மஹிந்திரா XUV300 ஆனது பெரிய இன்ஃபோடெயின்மென்ட் சிஸ்டம், டிஜிட்டல் இன்ஸ்ட்ரூமென்ட் க்ளஸ்டர், மறுவடிவமைப்பு செய்யப்பட்ட டேஷ்போர்டு மற்றும் சென்டர் கன்சோல் லேஅவுட், 360 டிகிரி சரவுண்ட் கேமரா, ஆட்டோமேட்டிக் க்ளைமேட் கன்ட்ரோல், வயர்லெஸ் சார்ஜர் மற்றும் பவர்ட் டிரைவர் சீட்ஸ் போன்ற அம்சங்களைக் கொண்டிருக்கும்.
புதிய XUV300 இன் இன்ஜின் மற்றும் கியர்பாக்ஸில் எந்த மாற்றமும் இருக்காது. இதன் ஃபேஸ்லிஃப்ட் வெர்ஷன் 1.2 லிட்டர் பெட்ரோல் மற்றும் 1.5 லிட்டர் டீசல் இன்ஜின்கள் மற்றும் சிக்ஸ்-ஸ்பீட் மேனுவல் மற்றும் ஏஎம்டீ கியர்பாக்ஸ்களுடன் வரும்.
மொழிபெயர்த்தவர்: ஐசக் தீபன்