கியா சோனெட் ஃபேஸ்லிஃப்ட் டிசம்பர் 14 அன்று அறிமுகமாகும்; நிறங்கள் மற்றும் வேரியன்ட்ஸ் விவரங்கள் வெளியாகின

• இது செல்டோஸ் பேலட்டிலிருந்து பியூட்டர் ஆலிவ் நிறத்தை பெறும்
• சோனெட் ஃபேஸ்லிஃப்ட் மூன்று இன்ஜின் விருப்பங்களுடன் வழங்கப்படும்

டிசம்பர் 14 அன்று நடைபெறவிருக்கும் அதன் வெளியீட்டுக்கு முன்னதாக, கியா சோனெட் ஃபேஸ்லிஃப்ட்டின் ப்ரோஷர் இன்டர்நெட்டில் லீக் ஆனது. இந்த புதுப்பிக்கப்பட்ட ப்ரோஷர் அதன் அனைத்து விவரங்கள், அம்சங்கள் மற்றும் வரவிருக்கும் சப்-ஃபோர் மீட்டர் எஸ்‌யு‌வி பற்றிய பலவற்றை வெளிப்படுத்துகிறது.

இங்குள்ள படங்களில் பார்த்தபடி, 2024 கியா சோனெட் ஏழு வேரியன்ட்ஸில் வழங்கப்படும் – HTE, HTK, HTK+, HTX, HTX+ , GTX+ மற்றும் X-லைன். மேலும், வாடிக்கையாளர்கள் எட்டு மோனோடோன், இரண்டு டூயல்-டோன் வண்ணங்கள் மற்றும் மேட் ஃபினிஷ் ஆகியவற்றிலிருந்து தேர்வு செய்யலாம். பிந்தையது சிக்னேச்சர் எக்ஸ்க்ளூசிவ் மேட் கிராஃபைட் பெயிண்ட் ஆகும், அதே சமயம் டூயல்-டோன் விருப்பங்களில் அரோரா பிளாக் பேர்ல் ரூஃப் உடன் வரும் இன்டென்ஸ் ரெட் மற்றும் க்ளேசியர் ஒயிட் பேர்ல் ஆகியவை அடங்கும்.

ஃபேஸ்லிஃப்ட் கியா சோனெட்டில் மோனோடோன் பெயிண்ட் ஆப்ஷன்கள் (புதிய) பியூட்டர் ஆலிவ், க்ளேசியர் ஒயிட் பேர்ல், ஸ்பார்க்லிங் சில்வர், க்ராவிட்டி க்ரே, அரோரா பிளாக் பேர்ல், இன்டென்ஸ் ரெட், இம்பீரியல் ப்ளூ மற்றும் க்ளியர் ஒயிட். மேலும் மூன்று இன்ஜின் மற்றும் ஐந்து டிரான்ஸ்மிஷன் விருப்பங்களில் வழங்கப்படும், அவற்றின் விவரக்குறிப்புகள் விரைவில் வெளியாகும்.

சிறுபட ஆதாரம்

மொழிபெயர்த்தவர்: ஐசக் தீபன்