- இரண்டு வேரியன்ட்ஸில் வழங்கப்படும்
- மார்ச் 11, 2024 அன்று விலைகள் அறிவிக்கப்படும்
ஹூண்டாய் இந்தியா க்ரெட்டா N லைன்னை மார்ச் 11, 2024 அன்று அறிமுகப்படுத்துவது மட்டுமல்லாமல், அதன் விலையையும் வெளியிடும். க்ரெட்டா என் லைனின் அதிகாரப்பூர்வ முன்பதிவுகள் ஏற்கனவே நாடு முழுவதும் தொடங்கப்பட்டுவிட்டன, மேலும் இதை வெறும் ரூ. 25,000 டோக்கன் தொகை செலுத்தி பதிவு செய்யலாம். இப்போது, ஹூண்டாய் க்ரெட்டாவின் பர்ஃபார்மன்ஸ் அடிப்படையிலான வெயிட்டிங் பீரியட் மற்றும் அதன் வெளியீட்டிற்கு முன் அதன் முழு விவரங்களையும் தெரிந்து கொள்வோம்.
எங்களுக்கு கிடைத்த தகவலின்படி, ஹூண்டாய் க்ரெட்டா N லைனில் அறிமுகப்படுத்தப்பட்ட தேதியிலிருந்து 5-8 மாதங்கள் வரை வெயிட்டிங் பீரியட் இருக்கும். இந்த எஸ்யுவியின் டெலிவரி மே 15, 2024 க்குப் பிறகு தொடங்கும். வாடிக்கையாளர்கள் இப்போது க்ரெட்டா N லைன்னை ஆர்டர் செய்தால், அவர்களுக்கு முன்னுரிமை கிடைக்கும் என்று நிறுவனம் வெளிப்படுத்தியது.
ஹூண்டாய் க்ரெட்டா N லைன் N8 மற்றும் N10 ஆகிய இரண்டு வேரியன்ட்ஸில் வழங்கப்படுகிறது. இதன் 1.5-லிட்டர் டர்போ-பெட்ரோல் இன்ஜின் சிக்ஸ்-ஸ்பீட் மேனுவல் அல்லது செவெம்-ஸ்பீட் டிசிடீகியர் பாக்ஸுடன் இணைக்கப்படலாம். இந்த மோட்டார் 158bhp மற்றும் 253Nm டோர்க்கை வெளிப்படுத்தும்.
மொழிபெயர்த்தவர்: ஐசக் தீபன்