ஹூண்டாய் க்ரெட்டா N லைன் தமிழ்நாட்டின் டீலர்ஸிடம் வரத் தொடங்கியது

• இதன் விலை ரூ. 16.82 லட்சத்தில் இருந்து தொடங்குகிறது (எக்ஸ்-ஷோரூம்)
• விரைவில் அதன் டெலிவரி தொடங்கும்

ஹூண்டாய் மோட்டார் இந்தியா நிறுவனம் சமீபத்தில் நாட்டில் ஹூண்டாய் க்ரெட்டா N லைன்னை அறிமுகப்படுத்தியுள்ளது, இதன் எக்ஸ்-ஷோரூம் விலை ரூ. 16.82 லட்சத்தில் தொடங்குகிறது. இந்த எஸ்‌யு‌வியின் இந்த ஸ்போர்ட்டி வெர்ஷன் சிங்கிள் இன்ஜின் ஆப்ஷனுடன் இரண்டு வேரியன்ட்ஸில் கிடைக்கிறது. கியா செல்டோஸ் X-லைன் உடன் போட்டியிடும் இந்த கார், தற்போது நாடு முழுவதும் உள்ள டீலர்ஷிப்களை சென்றடையத் தொடங்கியுள்ளது.

மற்ற ஹூண்டாய் N-லைன் வாகனங்களைப் போலவே, க்ரெட்டா N லைனில் புதிய ஃப்ரண்ட் கிரில், ரெட் அக்ஸ்ன்ட்ஸுடன் கூடிய புதிய ஃப்ரண்ட் மற்றும் ரியர் பம்ப்பர்கள், சுற்றிலும் 'N-Line' பேட்ஜிங், ரெட் பிரேக் காலிப்பர்கள், ரெட் நிற சைட் ஸ்கர்ட்ஸ் மற்றும் 18-இன்ச் அலாய் வீல்கள் ஆகியவற்றைப் பெறுகிறது. உள்ளே, கேபினில் ரெட் அக்ஸ்ன்ட்ஸ் மற்றும் ரெட் ஆம்பியன்ட் லைட்ஸுடன் முற்றிலும் பிளாக் தீம் கொடுக்கப்பட்டுள்ளது. கூடுதலாக, இதன் ஹெட்ரெஸ்ட்களில் 'N லைன்' பேட்ஜிங்குடன் பிளாக் லெதரெட் சீட்ஸ் மற்றும் சிவப்பு தையல் கொண்ட லேதர் கியர் லீவர் ஆகியவற்றைப் பெறுகிறது.

க்ரெட்டா N லைனில் 1.5 லிட்டர் டர்போ-பெட்ரோல் இன்ஜின் உள்ளது, இது 158bhp பவரையும், 253Nm டோர்க்கையும் உருவாக்குகிறது. இந்த இன்ஜின் சிக்ஸ்-ஸ்பீட் மேனுவல் அல்லது செவன்-ஸ்பீட் டிஎஸ்ஜி கியர்பாக்ஸுடன் வருகிறது.

மொழிபெயர்த்தவர்: ஐசக் தீபன்