- V வேரியண்ட் அடிப்படையாகக் கொண்டது
- மேனுவல் மற்றும் ஆட்டோமேட்டிக் இன்ஜின்ஸுடன் கிடைக்கும்
பண்டிகைக் காலத்தைத் தொடங்க ஹோண்டா இந்தியா நிறுவனம் ஃபிஃப்த் ஜென் சிட்டியின் ஸ்பெஷல் 'எலிகன்ட் எடிஷனை' அறிமுகப்படுத்தியுள்ளது. சிட்டியின் லிமிடெட் எடிஷன் V வேரியண்ட் அடிப்படையாகக் கொண்டது மற்றும் இதன் மேனுவல் வேரியண்ட் ரூ. 12.57 லட்சம் மற்றும் ஆட்டோமேட்டிக் வேரியண்ட் ரூ. 13.82 லட்சம் (எக்ஸ்-ஷோரூம்) விலையில் கிடைக்கிறது.
ஹோண்டா சிட்டி எலிகன்ட் எடிஷன் எல்இடியுடன் கூடிய டெயில்கேட் ஸ்பாய்லர், முன் ஃபெண்டர் கார்னிஷ், 'எலிகன்ட்' பேட்ஜிங் கொண்ட பிரத்யேக சீட் கவர்ஸ், இல்லுமினேட்டட் ஸ்கஃப் பிளேட்ஸ், எலிகன்ட் எடிஷன் எழுத்துகள் மற்றும் வயர்லெஸ் சார்ஜர் ஆகியவற்றைப் பெறுகிறது.
ஹோண்டா சிட்டியில் 1.5 லிட்டர் என்ஏ பெட்ரோல் இன்ஜின், சிக்ஸ் ஸ்பீட் மேனுவல் மற்றும் சிவிடீ யூனிட்டுடன் இணைக்கப்பட்டுள்ளது. பெட்ரோல் மோட்டார் 119bhp மற்றும் 145Nm பீக் டோர்க்கை உற்பத்தி செய்யும் வகையில் டியூன் செய்யப்பட்டுள்ளது.
ஸ்பெஷல் எடிஷன் அறிமுகம் குறித்து பேசிய ஹோண்டா கார்ஸ் இந்தியா லிமிடெட் நிறுவனத்தின் மார்க்கெட்டிங் மற்றும் சேல்ஸ் டைரக்டர் யுய்ச்சி முராடா, “இந்த பண்டிகை காலத்தில் நாங்கள் எங்களின் சிட்டி மற்றும் அமேஸின் ஸ்பெஷல் எடிஷனை அறிமுகம் செய்துள்ளோம், குறைந்த விலையில் நிறைந்த ஃபிச்சர்ஸுடன் கிடைக்கும். கூடவே மக்களுக்கு மேலும் பலனளிக்கும் வகையில், சிட்டி மற்றும் அமேஸில் பெறும் சலுகையை வழங்கியுள்ளோம்.” என்று அவர் கூறினார்.
புதிய ஹோண்டா சிட்டி எலிகன்ட் எடிஷனின் வேரியண்ட் வாரியான எக்ஸ்-ஷோரூம் விலைகள் கீழே பட்டியலிடப்பட்டுள்ளன:
எலிகன்ட் எடிஷன் எம்டீ | ரூ. 12,57,400 |
எலிகன்ட் எடிஷன் சிவிடீ | ரூ. 13,82,400 |
மொழிபெயர்த்தவர்: ஐசக் தீபன்