- కేవలం డీజిల్ ఇంజిన్ తో అందించబడిన ఫార్చూనర్ లీడర్ ఎడిషన్
- 4X2 టైప్ లో మాత్రమే లభ్యం
టయోటా కిర్లోస్కర్ మోటార్ దాని బెస్ట్ సెల్లింగ్ ఫార్చూనర్ ఎస్యూవీకి సంబంధించి కొత్త లీడర్ ఎడిషన్ ని ఇండియాలో లాంచ్ చేసింది. కస్టమర్లు ఈ ఎస్యూవీ కొత్త స్పెషల్ ఎడిషన్ ని అధికారిక వెబ్ సైట్ ని సందర్శించి లేదా దేశవ్యాప్తంగా ఉన్న అధికారిక డీలర్ షిప్స్ ని సందర్శించి బుక్ చేసుకోవచ్చు.
టయోటా నుంచి వచ్చిన ఫార్చూనర్ లీడర్ ఎడిషన్ లో డ్యూయల్-టోన్ ఎక్స్టీరియర్ కలర్, బ్లాక్డ్-అవుట్ అల్లాయ్ వీల్స్, వైర్ లెస్ ఛార్జర్, టిపిఎంఎస్, మరియు రియర్ మరియు ఫ్రంట్ బంపర్ స్పాయిలర్స్ వంటి ఫీచర్లను కలిగి ఉంది. ఇంకా కొత్త డ్యూయల్-టోన్ కలర్ ఆప్షన్లలో బ్లాక్ రూఫ్ తో సూపర్ వైట్, బ్లాక్ రూఫ్ తో ప్లాటినం పెర్ల్ వైట్ మరియు బ్లాక్ రూఫ్ తో సిల్వర్ మెటాలిక్ వంటి కలర్లు ఉన్నాయి.
మెకానికల్ గా, ఫార్చూనర్ లీడర్ ఎడిషన్ ఏకైక 2.8-లీటర్ డీజిల్ ఇంజిన్ 6-స్పీడ్ మాన్యువల్ మరియు ఆటోమేటిక్ గేర్ బాక్సుతో జత చేయబడి వచ్చింది. బహుశా, ఇదే ఫార్చూనర్ ఎడిషన్ లో అతి పెద్ద ఇంజిన్ కెపాసిటీ అని అనుకోవచ్చు. ఇంకా చెప్పాలంటే, ఈ స్పెషల్ ఎడిషన్ ని కేవలం 4X2 టైప్ లో మాత్రమే పొందవచ్చు.
ఫార్చూనర్ లీడర్ ఎడిషన్ లాంచ్ పై టయోటా కిర్లోస్కర్ మోటార్ సేల్స్-సర్వీస్-యూజ్డ్ కార్ బిజినెస్ వైస్ ప్రెసిడెంట్ శబరి మనోహర్ స్పందిస్తూ “ మా కస్టమర్ల హృదయాల్లో ఏదైతే ఉందో అదే టయోటా చేస్తుంది. వారి అభీష్టానికి, అభిరుచులకు అనుగుణంగా మరిన్ని ఫీచర్లను అందిస్తూ మరియు బెస్ట్ డ్రైవింగ్ ఎక్స్పీరియన్స్ అందించడానికి నిరంతరం కృషి చేస్తున్నాము. ఫార్చూనర్ లీడర్ ఎడిషన్ ని బోల్డ్ స్టైల్ తో మరియు మరిన్ని అదనపు ఫీచర్లతో ఎక్కడ ఏమాత్రం తగ్గకుండా బెస్ట్ ఫీచర్లను టయోటా అందించింది.
అనువాదించిన వారు: సంజయ్ కుమార్